Dirisha la usajili la Januari linaelekea ukingoni, huku safu ya ulinzi ya Liverpool ikiendelea kuyumba kutokana na majeraha. Jeraha jipya la Jeremie Frimpong limeongeza mzigo, na sasa swali kubwa linabaki kuwa ni je Liverpool wachukue hatua za haraka au waamini mfumo wao hadi mwisho?
Cha kuvutia ni kwamba benchi la ufundi halionyeshi dalili za hofu. Arne Slot ameendelea kuwa mtulivu huku akitoa ujumbe wa kwamba Liverpool haitafanya maamuzi ya papara kwa sababu tu ya matatizo ya muda mfupi. Kila usajili lazima ulingane na mahitaji ya sasa na dira ya baadaye.
Kauli za Slot zinaonesha wazi falsafa ya klabu. Liverpool haina wingi wa wachezaji wa ziada kwa kila nafasi, ni kikosi kilichojengwa kwa mizani sahihi. Kurudi kwa wachezaji walioumia tayari kumezingatiwa, na mchezaji mpya atalazimika kuja na mchango wa kweli, si kuziba pengo kwa muda.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Hata hivyo, tetesi za usajili haziwezi kukosekana. Jina la Jeremy Jacquet wa Rennes linaendelea kutajwa kwenye vichwa vya habari. Kinda huyo wa miaka 20 anawindwa na vigogo, Chelsea wakionekana kuongoza mbio huku Bayern Munich nao wakifuatilia kwa karibu. Liverpool wapo kwenye harakati pia, lakini ushindani ni mkali na muda unaenda kasi.
Mwisho wa dirisha unakaribia. Rennes wanaonekana kupendelea kusubiri majira ya kiangazi kabla ya kufanya biashara, jambo linaloweka kikwazo kwa klabu zinazotaka kumchukua sasa. Mpira sasa uko upande wa Liverpool kuamua kukaa na mkakati wake bila kufanya usajili au kubadili mipango.
