Kocha wa Chelsea, Liam Rosenior, amesisitiza kuwa hata Napoli iliyoathiriwa na majeruhi bado ni timu imara sana chini ya Antonio Conte wa ajabu, na anatarajia “mchezo wa kusisimua” katika Ligi ya Mabingwa.
Enzo Maresca alikuwa kocha wa Chelsea hadi kutengana kwa kushangaza Januari 1, akifuata nyayo za makocha wengine wa zamani wa Kiitaliano wa Stamford Bridge kama Carlo Ancelotti na mpinzani wa kesho, Conte. Mchezo huo utapigwa katika Uwanja wa Stadio Diego Armando Maradona leo
“Heshima kubwa kwake, kwanza kabisa kama mchezaji, alikuwa mchezaji wa kiwango cha juu sana,” alisema Rosenior katika mkutano wake na waandishi wa habari alipoulizwa kuhusu Conte.
Kisha akaendelea kuwa na kazi nzuri sana, na bado anaendelea kuwa na mafanikio makubwa kama kocha. Nafikiri shauku aliyokuwa nayo kama mchezaji inaonekana pia katika shauku ya timu zake, na waziwazi nilipokuwa mdogo nikiitazama Chelsea ilivyocheza, walikuwa imara sana kiulinzi.
“Ameendelea kuthibitisha ni kocha wa ajabu kiasi gani, na ameshinda mataji mengi, ikiwemo taji la kipekee kabisa hapa msimu uliopita.”
Conte ndiye kocha wa mwisho kushinda taji la Ligi Kuu Uingereza akiwa na Chelsea, na hilo lilitokea miaka tisa iliyopita. Wakati huo huo, anatoka kushinda taji la Serie A msimu uliopita, na kwa sasa Napoli inakabiliwa na wimbi kubwa la majeruhi.
“Hii ni timu imara sana. Nafikiri imekuwa bahati mbaya katika michezo ya hivi karibuni waliocheza. Matokeo hayajaendana na kiwango cha uchezaji ambacho timu ya Antonio imeonyesha. Tunajua utakuwa mchezo mgumu sana katika mazingira ya kipekee. Hilo halibadilishi mipango yangu hata kidogo kwa sababu nimekuwa nikijiandaa kwa mchezo mgumu sana.” Alibainisha Rosenior
Napoli iko katika hatari ya kuondolewa mapema kwenye Ligi ya Mabingwa baada ya kupata ushindi mara mbili pekee, sare mbili na kupoteza michezo mitatu.
“Katika soka, iwe ni Ligi ya Mabingwa, Serie A au Ligi Kuu England, huwezi kutarajia chochote,” alisema Rosenior. “Kiwango cha ushindani ni cha juu sana. Napoli ni timu kubwa. Walithibitisha hilo msimu uliopita kwa kushinda taji la ajabu.
“Wana wachezaji binafsi wa kiwango cha juu, wana kocha wa daraja la dunia. Bado wapo kwenye nafasi ya kufuzu. Tunafahamu hilo. Nafikiri litakuwa jambo la kusisimua kwa sababu Napoli lazima ishinde. Pia sisi, ili tuwe na nafasi halisi ya kuingia nane bora, tunahitaji kushinda.”
Kuna habari njema kwa Blues, kwani Cole Palmer amerudi kikosini baada ya kukosa ushindi dhidi ya Pafos na Crystal Palace kutokana na tatizo la paja.
Kipa Filip Jorgensen pia yupo tayari, lakini Romeo Lavia amebaki kufanya mazoezi ya kurejesha fomu baada ya majeraha ya muda mrefu, pamoja na Levi Colwill, Tosin Adarabioyo na Dario Essugo.
Kumekuwa na tetesi kuhusu mustakabali wa Cole Palmer Chelsea, hivyo Rosenior alitumia nafasi hiyo kuwahakikishia mashabiki kuwa “hakuna sababu ya kuanzisha mjadala” kuhusu uwezekano wa kuondoka kwake.
Kikosi cha Chelsea dhidi ya Napoli: Jorgensen, Sanchez, Bernal, Merrick; Acheampong, Badiashile, Chalobah, Cucurella, Fofana, Malo Gusto, Hato, James; Caicedo, Fernandez, Andrey Santos; Delap, Garnacho, George, Gittens, Guiu, Pedro Neto, Joao Pedro, Palmer, Estevao.
