Mshambuliaji wa Liverpool, Mohamed Salah, anasisitiza kwamba hakuwezi kuwa na kisingizio cha kukosa kucheza Ligi ya Mabingwa.
Mchezaji huyo mwenye umri wa miaka 30 anakiri kuwa timu hiyo imeshindwa na kuwaangusha mashabiki msimu huu kwa kutomaliza nafasi nne za juu.
Ushindi wa Manchester United wa 4-1 dhidi ya Chelsea unamaanisha kuwa nafasi ya nne sasa haiwezi kufikiwa na waliofuzu fainali msimu uliopita.
Kikosi cha Jurgen Klopp kimefanya vibaya msimu mzima na ulikuwa ni mkimbio wao wa sasa wa mechi 10 bila kushindwa uliojumuisha msururu wa ushindi mara saba ambao uliwapa nafasi ya mbali ya kufuzu kwa mashindano ya Europa.
Lakini ushiriki wao katika Ligi ya Europa, mara ya kwanza Klopp hajaingia kwenye nafasi nne za juu katika msimu mzima klabuni hapo, kumemwacha Salah akiwa amechanganyikiwa.
Salah amesema; “Nimevunjika moyo kabisa. Hakuna udhuru kabisa kwa hili. Tulikuwa na kila kitu tulichohitaji ili kufikia Ligi ya Mabingwa mwaka ujao na tulishindwa. Sisi ni Liverpool na kufuzu kwa mashindano ni kiwango cha chini kabisa.”
Katika msimu wa kusikitisha, Salah bado amefunga mabao 30 na amebakiza moja pekee kuwa mchezaji wa kwanza katika historia ya Ligi Kuu ya Uingereza kufunga mabao 20 na asisti 10 ndani ya misimu mitatu, ambayo ingevuka rekodi aliyoweka Thierry Henry.
Ana upungufu wa kufikisha mabao 20 katika msimu mmoja kwa mara ya tano ndani ya miaka sita ndani ya Liverpool alifunga mabao 19 kwa mwaka mwingine na kama atafanikiwa kufunga akiwa na Southampton Jumapili atakuwa mchezaji wa kwanza wa Liverpool tangu Roger Hunt 1965-66 kufunga mabao 20 ya ligi kwa msimu wa tatu mfululizo.
