Mshambuliaji wa Chelsea FC, Joao Pedro, anaendelea kung’ara kwa kiwango cha juu kabisa katika kipindi hiki, hali iliyowavutia wengi akiwemo mchezaji mwenzake wa zamani wa Watford FC, Keinan Davis. Davis anaamini kuwa nyota huyo wa Brazil anaweza kufika mbali zaidi katika soka la dunia na hata kudokeza uwezekano wa uhamisho wa kushtukiza kwenda kwa wapinzani wa London, Arsenal.
Tangu kuwasili kwa kocha Liam Rosenior katika benchi la Chelsea, Joao Pedro amebadilika na kuwa mmoja wa wafungaji hatari zaidi barani Ulaya. Tayari amefunga mabao 11 katika mechi 15 chini ya kocha huyo mpya, akivunja rekodi yake ya mabao aliyowahi kufunga wakati wa uongozi wa Enzo Maresca.
Katika kipindi hicho, Pedro alifunga hat-trick ya kuvutia dhidi ya Aston Villa FC na pia alifunga bao katika ushindi wa FA Cup dhidi ya Wrexham AFC. Kocha Rosenior hata alimuita mshambuliaji huyo mchezaji wa kiwango cha dunia, akisema kwa sasa asingembadili na mshambuliaji yeyote duniani.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Ni kiwango hicho kilichomfanya Keinan Davis kuamini kuwa Joao Pedro anaweza kupiga hatua kubwa zaidi katika maisha yake ya soka. Davis alisema kuwa hata kama siku moja angehamia Arsenal asingeshangaa, kwani ana kipaji, kujiamini na ubunifu wa kipekee ambao mara nyingi huonekana kwa wachezaji wa Brazil.
Hata hivyo, kwa sasa Joao Pedro analenga kusaidia Chelsea kumaliza msimu kwa mafanikio. Klabu hiyo inapambana kuingia katika nafasi nne za juu za Premier League ili kupata nafasi ya kucheza michuano ya Ulaya, huku pia wakijiandaa kwa mechi ngumu ya marudiano ya UEFA Champions League dhidi ya Paris Saint-Germain baada ya kupoteza mchezo wa kwanza kwa mabao 5-2.
