AS Roma imepata bao la kusawazisha dakika za mwisho na kutoka sare ya 1-1 dhidi ya Bologna FC katika mchezo wa mkondo wa kwanza wa hatua ya 16 bora ya UEFA Europa League uliochezwa kwenye Uwanja wa Stadio Renato Dall’Ara.
Kipindi cha kwanza kilitawaliwa na makosa mengi na kusimamishwa kwa mchezo mara kwa mara, huku Roma wakipata nafasi nzuri zaidi ya kufunga dakika ya 20 wakati Bryan Zaragoza alipokosa shabaha kwa shuti kutoka umbali wa mita 18 baada ya shambulizi la kushtukiza lililoanzishwa na Donyell Malen.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Kwa upande wa Bologna, hawakuonyesha makali makubwa ya kushambulia katika kipindi cha kwanza, lakini dakika mbili kabla ya mapumziko kipa wa Roma Mile Svilar alilazimika kuokoa shuti kali la mbali la Federico Bernardeschi lililopigwa kutoka umbali wa mita 25.
Hata hivyo, kipindi cha pili kilianza kwa kasi zaidi ambapo Bologna walipata bao la kuongoza dakika ya 49 baada ya pasi nzuri ya Jonathan Rowe iliyomkuta Bernardeschi upande wa kulia wa eneo la hatari, kabla ya nyota huyo wa Italia kupiga shuti kali lililomshinda Svilar.
Roma walijaribu kusawazisha matokeo kupitia Malen ambaye alipiga shuti lililopita karibu na lango la kipa Łukasz Skorupski dakika chache baadaye, huku Svilar naye akifanya kazi kubwa kuzuia jaribio la Tommaso Pobega lililokuja dakika ya 60.
Dakika za mwisho za mchezo Roma walifanikiwa kusawazisha kupitia Lorenzo Pellegrini baada ya nahodha Bryan Cristante kulazimisha kosa kutoka kwa João Mário kabla ya Malen kupiga shuti lililookolewa na Skorupski, na mpira uliorudi kumkuta Pellegrini aliyefunga kwa utulivu kutoka umbali wa mita 10.
Sare hiyo inaifanya Bologna kuendeleza rekodi yao ya kutopoteza michezo 10 mfululizo katika UEFA Europa League. Timu hiyo pia haijapoteza katika michezo mitano ya nyumbani dhidi ya Roma katika mashindano yote, kabla ya mchezo wa marudiano utakaochezwa Rome Machi 19.
