Kocha Mkuu wa timu ya taifa ya England, Thomas Tuchel, amefunguka kuhusu uamuzi wa kumuacha beki Trent Alexander-Arnold katika kikosi cha awali, akisema kuwa majibu ya mchezaji huyo baada ya tukio hilo ni “sahihi”
Alexander-Arnold alikosekana katika orodha ya awali ya wachezaji 35 waliotajwa kwa maandalizi ya michuano ijayo, hali iliyozua mjadala mkubwa miongoni mwa mashabiki na wadau wa soka kuhusu uamuzi huo.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Akizungumza kuhusu suala hilo, Tuchel alisisitiza kuwa uamuzi huo haukuwa wa kibinafsi bali ni wa kimichezo, akieleza kuwa kuna ushindani mkubwa katika nafasi ya beki wa kulia ndani ya kikosi hicho.
Kocha huyo aliwataja wachezaji kama Reece James, Tino Livramento na Djed Spence kuwa ni miongoni mwa wanaowania nafasi hiyo, jambo linalofanya ushindani kuwa mkali zaidi.
Licha ya kuachwa, Tuchel ameweka wazi kuwa mlango bado uko wazi kwa Alexander-Arnold kurejea kikosini, akibainisha kuwa anaendelea kufuatilia kiwango chake akiwa na Real Madrid, hususan katika michezo ya Ligi ya Mabingwa Ulaya kabla ya kufanya maamuzi ya mwisho.
Baada ya kutangazwa kwa kikosi hicho, Alexander-Arnold aliandika ujumbe mfupi kwenye Instagram ukisema, “Madrid. Y nada más,” ikiwa na maana ya “Madrid, na hakuna kingine,” hatua iliyotafsiriwa na wengi kama kuonyesha msimamo wake na kuendelea kuzingatia majukumu yake klabuni.
