Ndoto ya Zidane Kupata Warithi wa Ronaldo, Bale na Benzema

Meneja wa Real Madrid, Zinedine Zidane anataka kutimiza ndoto yake ya kupata warithi wa nafasi tatu klabuni hapo. Zidane anataka kupata warithi wa Cristiano Ronaldo, Gareth Bale na Karim Benzema.

Katikia ndoto zake, Zidane anataka safu yake ya mashambulizi kuwa na Kylian Mbappe, Erling Halaand na Eden Hazard mpaka kufikia msimu wa joto wa 2021.

Wakuu wa Real Madrid wametajwa kuwa wanapania taratibu kumnasa Mbappe na Haaland, ikiwa ni ndoto ya Zidane kuwa na safu ya watatu hao baada ya kufanikiwa kumsajili Eden Hazard msimu wa joto uliopita.

Inakaaje hii? Mbape akiweka kambi kulia, Hazard akatia kambi kushoto, katikati tumshuhudie Haaland akidua hapo! Kwa mujibu wa chapisho la AS, Zidane anaamini itakuwa burudani sana kwenye mashambulizi.

Matumaini ya Zidane ni kuwa watatu hawa watakuwa na ladha ya watata watatu ambao ni Cristiano Ronaldo, Gareth Bale na Karim Benzema walivyokuwa wanaendesha mashambulizi.

Tangia kuondoka kwa Ronaldo, Real Madrid wanatajwa kuwa bado hawajapata ladha ile ile ya Ronaldo katika safu ya ushambuliaji. Itachukua mda kufanya hivyo. Ni matumaini ya Zidane kuwa watatu hawa watafaa zaidi kubadilisha utamu wa soka pale Real.

Hata hivyo kazi bado ipo kunasa sahihi za mastaa hawa! Wakati PSG wakiwa hawana mpango wa kumuachia Mbappe, Liverpool nao wamekuwa wakihusishwa naye. Man United wamekuwa wakihusishwa pia na Haaland. Real wakiweza kuruka viunzi hivi ndiyo wataweza kuboresha safu ya ushambuliaji ya ndoto za Zidane.