Klabu ya Korea Yashangiliwa na Midoli!

Gemu bila mashabiki imekuwa kimbembe sana! Ladha ya uwepo wa mshabiki halisi huwapa msisimuko na hamasa wachezaji. Kutokana na janga la lililoikumba dunia, vilabu vimelazimika kucheza mechi kwenye viwanja vitupu, mpango ambao unatarajiwa kutumika na ligi zote zitakazoendelea hivi karibuni. Midoli imetumika kama mbadala sasa kule Korea!

Klabu ya soka ya FC Seoul waliamua kutumia midoli kujaza viti vitupu vya mashabiki uwanjani. Lengo la klabu hii inayoshiriki Ligi Kuu ya Korea (K-League) ilikuwa ni kuweka mazingira fulani ya uwepo wa mashabiki. Sauti za kutengenezwa na midoli inayofanana na watu halisi ikawekwa uwanjani.

Hata hivyo kumekuwa na tafsiri tofauti ya matumizi ya midoli hiyo, baadhi wakiwatuhumu kuwa wmetumia midoli inayotumika kama mbadala wa wapenzi na watu wazima.

Kutokana na tasfiri tofauti, klabu ya FC Seoul walitoa tamko la kuwaomba radhi washabiki wao kuwa hiyo haikuwa nia yao. Nia yao njema ilikuwa ni kupata mfani wa mashabiki na kuweka mazingira ambayo yatawatia moyo wachezaji wasihisi kuwa sehemu nyingine kabisa zaidi ya dimbani walipozoeas kukiwa na kelele na mashabiki.