Ndoto za Mourinho Timu ya Taifa Zimekufa?

Jose Mourinho alipotimuliwa klabu ya Manchester United, alilazimika kukaa kwa mda fulani kabla ya kupata kibarua chake kipya. Wakati akitarajia kupata kibarua kipya alisema kwa wakati ule alikuwa anajiona kazi yake inayofuata ni kwenye timu ya taifa.

Mapema tu baada ya kutimuliwa, klabu kadhaa ziliripotiwa kumuhitaji kama meneja. Mourinho alinukuliwa akisema wazi kuwa kuna klabu ambazo tayari zilishamfuata lakini aliamua kukataa akiamini sio aina ya kazi aliyohitaji au klabu alizotaka kuwepo kwa wakati huo.

Moja ya klabu alizokuwa akihusishwa nazo ni pamoja na Chelsea, lakini aliamua kutamka hadharani kuwa yeye anajiona katika levo zingine za kufundisha timu ya taifa. Alienda mbali zaidi kwa kusema ni kitu kilichoishi akilini mwake kwa mda mrefu.

Mourinho alinukuliwa akizungumza na Eleven Sports:

“Ninahitaji kupambana katika mashindano mapya. Nafikiria kuhusu Kombe la Dunia na Michuano ya Ulaya.”

“Kwa mda mrefu sasa nimekuwa na hamu ya kujaribu suala hili. kwa sasa, najiona nikiwa kama meneja wa timu ya taifa zaidi kuliko meneja wa klabu.”

Baadaye Mourinho aliteuliwa na Tottenham, Mwishoni mwa Novemba 2029 ambako mpaka sasa ana mipango mikubwa ya kuwarejesha kwenye reli kwa namna yake. Anatarajiwa kuwepo hadi mwaka 2023, Juni. Huenda akafanikiwa zaidi akiwa hapo.

Je ndoto yake imefutika? Huenda, akapata Taifa litakalomuamini kumkabidhi timu ya taifa siku za mbeleni.