La Liga: Mpango Kamili Mechidei 28 na 29

Ni muda wa La Liga Santander 2019/20. Tulisubiri sana na hatimaye imeshawadia kwa sasa! Ligi Kuu nchini Hispania imeshakubaliana na vilabu ili kuanza mechi za ligi hiyo huku kukiwa na mechi ya El Gran Derbi kati ya Real Betis na Sevilla FC siku ya Alhamisi ya tarehe 11 Juni.

Muda wa kuanza mechi umetajwa ambapo La Liga imethibitisha kuwa tarehe za kuchezwa kwa mechidei 28 na ile ya 29 ya La Liga Santander 2019/20 ipo tayari. Michuano itaanza upya ifikapo siku ya Alhamisi ya tarehe 11 Juni kukiwa na El Gran Derbi kati ya Sevilla FC na Real Betis. Mechidei ya kwanza kwa muda wa miezi mitatu itaisha mnamo Jumapili ya tarehe 14 Juni kukiwa na mtanange kati ya Real Sociedad na CA Osasuna.

Kwa upande mwingine, mechidei 29 ya La Liga Santander itachezwa kati ya tarehe 15 Juni na 18. Levante UD na Sevilla FC watafungua mechi za wiki hiyo siku ya Jumatatu na kumalizika kwa mtanange mkubwa sana kati ya Real Madrid na Valencia CF mnamo siku ya Alhamisi.

Hapo juu ratiba inaonesha masuala ya hali ya hewa pia kwa mujibu wa AEMET (State Meteorological Agency). Tarehe za mechi zote huenda zikabadilika kutegemea na hali ya hewa.

Ratiba kamili hii hapa LA LIGA