Declan Rice Ashauriwa Kuwapotezea Chelsea 2020

Kiungo wa timu ya West Ham, Declan Rice ameombwa apotezee dili la kwenda Chelsea na nyota wa mchezo wa mieleka Triple H.

Triple H ambaye ni bingwa mara 14 wa WWE, ni shabiki mkubwa wa West Ham na kamwe asingependelea kuona Rice anaondoka klabuni hapo licha ya tetesi za nyota huyo kuhamia Chelsea kupamba moto siku za karibuni.

Nyota huyo wa mchezo wa mieleka amemtumia Rice ujumbe wa wazi katika mtandao wa kijamii juu ya umuhimu wa yeye (Rice) kuendelea kuwatumikia West Ham kuliko kuhamia timu nyingine.

Rice, mwenye miaka 21, amekua akihusishwa na tetesi za kurejea katika klabu yake ya utotoni, Chelsea iliyomuuza kwa West Ham miaka 7 iliyopita akiwa na miaka 14 tu!

“Msimu mpya unaanza, ninao ujumbe kwa Declan Rice”, alisema Triple H katika sehemu ya video aliyoichapisha katika mtandao wa Twitter.

“Declan (Rice) naelewa kuwa unayo maamuzi makubwa mbele yako, najua pia kuwa sina mamlaka yoyote kukuamulia nini cha kufanya, lakini ningependa kukupa ushauri juu ya hilo. Kukuonesha kwamba kwenye maisha kuna vitu vya muhimu zaidi.

“Zipo fursa za kuwa shujaa, shujaa kwa mashabiki waliokuunga mkono kwa miaka nenda rudi! Kuwa shujaa kwa watu walkokuona ukikua katika mfumo, na kufanikiwa ndani ya mfumo huo.

“Baki na watu waliokufanya kuwa hivyo ulivyo leo, baki na West Ham na uendelee kuwa shujaa wetu, Kuwa bingwa, uwe vyovyote vile unavyoweza kuwa na sisi.”

Ikumbukwe kuwa, Rice ana mkataba wa kuendelea kubaki na West Ham mpaka 2024, na mkataba wake unamruhusu kufanya maamuzi ya kukubali au kukataa usajili wa timu yoyote itakayomhitaji.

Rice amekua na kiwango bora msimu ulioisha (2019/20) kiasi cha kumshawishi kocha wake, David Moyes amchezeshe katika mechi 39.

Nyota huyo amecheza mechi zote za Ligi Kuu za West Ham kwa msimu uliopita huku akifunga magoli matatu na kutoa pasi saba za magoli, huku akivaa kitambaa cha unahodha mara nne.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza sasa