Bwalya na Hadithi ya Vibanda Vitatu

Kwanza wacha niihusie nafsi yangu kabla sijahusia nafsi ya mwingine kwenye yale yote mema ikiwemo kumtamkia mema binadamu mwenzako, naombeni Kumbukumbu la Torati kwa kalamu yangu nilipigia mstari maneno matakafitu

Rejea Marko 9:5 inasema “Mwalimu, ni vizuri sisi kuwapo hapa, Basi, afadhali tujenge vibanda vitatu, Kimoja chako, kimoja cha Mose na kimoja cha Elia”, nilipenda sana kusikia hadithi hii juu ya ujenzi wa vibanda pale Mlimani, nami nataka nimsafirishe Bwalya mpaka nyuma ya muda kumpa historia ya vibanda vitatu

Najua nimeanza na gubu sana, sijakukaribisha Tanzania najua nimevunja sheria zetu za ujamaa aliotuachia Mwalimu Nyerere, pengine imetokana na haraka zangu nyingi kutaka kumaliza hadithi yangu kwako, najua miguu ni ya dhahabu na akili ya computer, najua hilo

Naomba tupande kwenye milima ya Uluguru Morogoro mji kasoro bahari, kibanda cha kwanza wala sio cha Elia, kumbuka tumerudi kwenye maisha ya kawaida, kibanda hiki aliishi Patrick Mutesa Mafisango, usisahau

Moja Kati ya Viungo bora kutokea nchini, ile juu ni jezi yake namba 32, vile chini ni viatu vyake vya Adidas, pale pembeni ni maua na mashada ya mashabiki wa Simba, waliohusudu soka lake kuliko chochote

Kibanda hiki cha Mafisango hakina mtu kwasasa, kama uonavyo Mjumbe wa Mtaa mlangoni, mwenye kibanda chake ametangulia mbele za haki, ila ndani kuna vitabu na Kila kitu kwa ajili yako kurithi

Ikiwapendeza Simba watakupa funguo ufungue, ukutane na bidii, kipaji na roho Ngumu, ikiwapendeza lakini, wao wenyewe wenye Simba yao sio Mimi, uyakutayo ni wewe kuamua sasa

Rally naomba tupite kwenye kibanda hicho tusogee kwenye kibanda cha Pili, nadhani umekiona kilivyojitenga, hapa anaishi Mtoto wa Msimbazi, kipenzi chao aliefika hapa akiwa na miaka 19 tu, hakutumia pesa kuishinda mioyo yao, bali miguu yake kwenye viwanja vya Vita

Alitokwa jasho hata kama mvua inanyesha, angepiga kelele kuwaamsha wenzake, kuna muda aliamua mechi kupitia miguu yake, anaitwa Emmanuel Okwi The Prince of Simba, najua unashangaa taa inawaka na walinzi wapo nje wanalinda hatuwezi kuingia ndani kumradhi

Itaendelea..

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa