Ederson - Guardiola Anajicho La Kipekee Kwenye Soka.

Ederson ame mmwagia sifa kede kede Kocha Wa timu ya Mancherster City kwa kumfanya awe golikipa mzuri “anautizama mpira katika njia nyingine” alisema Ederson.

Mbrazili huyo tayari ametumia misimu mitatu kucheza chini ya Kocha huyo wa Kikatalunya, huku wakifanikiwa kubeba kombe la EPL mara mbili na mataji mengine yanayohusu mashindano ya ndani ya Uingereza.

Ederson mwenye umri wa miaka 26 anajulikana kwa umahili wake wa kuzuia mipira ya hatari, lakini alaifanya makosa kwenye mchezo wa dabi walipokutana na Man U na kufungwa goli mbili hapo mwezi machi.

Walakini, Ederson alisisitiza kujitoa muhanga ni matarajio yake, akiwa chini ya mwalimu Guardiola, ambaye alimsifia kuwa amemsaidia kukuza kipaji chake cha unyanda.

“Majukumu ya golikipa kwenye timu ya Pep ni kama 11 zaidi ya mchezaji uwanjani, kwa maana ya kuiunda timu na kuichezesha” aliiambia Sky Sports.

“Nadhani ni magumu sana, kuna majukumu makubwa huwezi kukubali kufanya makosa. Kama ukifanya makosa inawezekana timu pinzani kupata ushindi.”

“Pep ni kocha Mkubwa anayeona mpira kwa namna ya kipekee. Anaishi mpira, anapumua mpira, jinsi anavyo fikiria kwenye mpirani tofauti kabisa  na makocha wengine.

“Amenisaidia sana kukuza kiwango changu kama golikipa, sio mimi pekeee bali hata kwa mchezaji mmoja mmoja kwenye timu”.

“Sifanyi mazoezi sana, inaweza kuwa mara mbili au tatu kwa wiki,” alisema. Ni ujuzi wa asili niliyo nao kupiga mipira mirefu, kwa hiyo sihitaji kufanya mazoezi mara kwa mara.