Inter wana wasiwasi baada ya mlinda mlango Yann Sommer kuchechemea kutokana na jeraha la kifundo cha mguu wakati wa mechi ya kirafiki ya kimataifa kati ya Uswizi dhidi ya Denmark.
Mchezaji huyo mwenye umri wa miaka 35 alikuwa kwenye kikosi cha kwanza, lakini alilazimika kutoka nje baada ya dakika 37 kutoa nafasi kwa Yvon Mvogo. Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa.
Sommer alionekana kuteguka kifundo cha mguu wake wa kulia kufuatia mpira wa kona na mara ya kwanza akajaribu kuutingisha, lakini mwishowe alilazimika kukata tamaa na kuondoka uwanjani kabla ya muda wa mapumziko.
Ana historia ya matatizo ya kifundo cha mguu na tayari alikuwa na tatizo kama hilo alipokuwa akiichezea Borussia Monchengladbach kabla ya Kombe la Dunia la 2022 nchini Qatar.
Kulikuwa na jeraha lingine la kifundo cha mguu lililoathiri mishipa mnamo 2016.
Inter tayari wanakabiliana na tatizo la majeraha kabla ya mechi ijayo ya Serie A dhidi ya Empoli, huku Stefan de Vrij, Marko Arnautovic na Juan Cuadrado wakiwa tayari nje.
Ikiwa Sommer hataweza kucheza, basi Inter itatafuta chaguo la pili Emil Audero, ambaye kwa sasa yuko kwa mkopo kutoka Sampdoria.
