Weston McKennie alifunguka kuhusu nafasi yake ya kiungo anayopendelea zaidi, nia yake ya kutaka kuionyesha akiwa Juventus na pambano lililokuwa likianza la Marekani kwenye Serie A.
Mchezaji huyo mwenye umri wa miaka 25 alitumia kipindi cha pili cha msimu uliopita kwa mkopo na Leeds United, ambapo alitatizika kuleta matokeo wakati timu hiyo ikishuka daraja kutoka Ligi kuu.
McKennie hakuondoka Turin msimu huu wa joto licha ya kuhusishwa na pande mbalimbali za Uingereza kama vile Aston Villa na Brighton. Amecheza kwa dakika 527 katika mechi nane za Serie A msimu huu, akishiriki mara kwa mara chini ya Massimiliano Allegri.
Akiongea na La Gazzetta dello Sport, McKennie kwanza alijadili majukumu yake anayopenda kwenye safu ya kiungo na jinsi anavyoweza kung’ara.
“Najiona namba nane, napenda kuwa katikati ya uwanja wakati wa kushambulia na kulinda. Kusema kweli, kwangu jambo bora zaidi ni kuwa na uhuru katika kiwango cha mbinu. Nadhani mimi ni mchezaji ambaye ana hisia nzuri ya nafasi na anajua jinsi ya kuwa mahali pazuri. Katika timu ya taifa tuna uwiano mzuri na wachezaji kadhaa wenye uwezo wa kufanya mambo mengi.”
Alizungumza juu ya msimamo wake na Juventus na kwanini hakuondoka kwenye klabu msimu wa joto.
Wakati mwingine soka ni la ajabu. Nilitamani sana kubaki Turin ili niweze kudhibitisha kuwa nilikuwa na uwezo wa kuleta mabadiliko katika kiwango hiki. Wakati wa maandalizi nilifanya kazi kwa bidii sana, mimi sio mtu wa kujificha wakati ukosoaji au mashaka juu yangu yanapofika, kinyume chake mambo haya hunipa motisha zaidi. Sasa nina furaha kuwa nimetoa majibu fulani. Alisema mchezaji huyo.
Mchezaji huyo mwenye umri wa miaka 25 alitoa maoni yake kuhusu uhusiano wake na mchezaji mwenzake mpya Timothy Weah.
“Mimi na Tim kwanza ni marafiki wakubwa, na tunaelewana ndani na nje ya uwanja. Sio maneno tu, tunafurahiya kwa dhati mafanikio ya kila mmoja, hakuna wivu kati yetu. Pia tuna uhusiano maalum uwanjani, na ilikuwa nzuri sana kutuanzisha sote Jumamosi kwenye derby. Natumai hii inaweza kurudiwa mara nyingi.”
Hatimaye, McKennie alijadili pambano lililokuwa likitengenezwa la Marekani katika Serie A kati yake na Weah, na wenzie wa Milan Yunus Musah na Christian Pulisic.
Ndio, ni jambo zuri sana kwa mpira wa miguu wa Amerika lakini kwa sasa tunaangazia mechi mbili za kirafiki ambazo tunakaribia kucheza Ujerumani na Ghana, tunazungumza tu jinsi ya kushinda haraka iwezekanavyo. Kwa hakika tutaanza kuzungumza juu ya hilo kwenye ndege ya kurudi Italia. Alimaliza hivyo.
