La Liga: Mkataba wa Messi Bado Ni Halali

Sakata la Lionel Messi kuondoka Barcelona linaendelea kupamba moto. Safari hii La Liga wameamua kuvunja ukimya na kutoa muongozo wa jinsi zoezi hili linavyoweza kumalizika.

Mapema Jumanne, Messi aliutaarifu uongozi wa Barcelona juu ya adhma yake ya kutaka kuondoka kwenye timu hiyo ambayo amehudumu kwa miaka yake yote ya soka mpka sasa. Imeripotiwa kuwa, mchezaji huyo hakutokea kwenye vipimo vya afya siku ya jana ikiwa ni maandalizi ya kuelekea msimu ujao.

Messi amekuwa akishinikiza kuondoka kama mchezaji huru kulingana na kipengele cha mkataba wake kinachomuwezesha kufanya hivyo kila mwisho wa msimu. Japokuwa, uongozi wa Barcelona unasisitiza muda wa kipengele hicho kuwa halali uliishia Juni 30, 2020 na sasa atapaswa kuondoka kwa dau lililowekwa kwenye mkataba.

La Liga kutoondoa usajili wa Messi kama mchezaji wa Barcelona.

“Kwa kuzingatia utekelezaji wa sheria, La Liga haitothibitisha ombi la kuondoa usajili wa mchezaji mpaka dau lililopo kwenye mkataba likifikiwa.” tamko la shirikisho hilo limesema.

Majadiliano baina ya wanasheria wa Messi na uongozi wa Barcelona yanaendelea huku maridhiano yakiwa mbali kufikiwa.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza Sasa.