Wanawake wa Lyon Watwaa Ubingwa UCL

Timu ya wanawake ya Lyon imefanikiwa kushinda taji la Ligi ya Mabingwa Ulaya mara baada ya kuwabamiza wanawake wenzao wa Wolfsburg 3-1.

Ushindi huo wa Lyon katika mechi iliyopigwa siku ya Jumapili unamaanisha kuwa, klabu hiyo imeshinda taji hilo kwa mara ya tano mfululizo huku ikiweka rekodi ya kulibeba taji hilo mara saba katika kipindi cha muongo mmoja!

Magoli ya Eugene le Sommer na Saki Kumalagai yaliwawezesha Lyon kwenda mapumziko wakiwa kifua mbele dhidi ya wapinzani wao Wolfsburg.

Kipindi cha pili kilianza kwa kasi huku Wolfsburg wakipeleka mashambulizi yao mara kadhaa katika lango la Lyon, juhudi zao zilizaa matunda mapema na Alexandra Popp akafanikiwa kuwafungia goli kufanya matokeoa kuwa 2-1 kabla Sara Gunnarsdottir wa Lyon hajadidimiza zaidi mashua ya Wolfsburg kwa goli lake la dakika za lala salama na kuifanya mechi hiyo iishe kwa jumla ya magoli 3-1!

Mpaka sasa, timu hizo mbili zimekutana katika fainali ya Ligi ya Mabingwa mara nne tangu 2013 huku Lyon wakishinda mara tatu!

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza Sasa.