Manchester United na Ajax Uhamisho wa Van de Beek

Timu za Manchester United pamoja na Ajax zimekubaliana juu ya ada ya uhamisho wa nyota Donny van de Beek kutoka Ajax kwenda United kuwa £40m.

Kocha wa United, Ole Gunnar Solksjaer amevutiwa na kiwango kilichooneshwa na nyota huyo wa kimataifa wa timu ya taifa ya Ureno kwa misimu miwili mfululizo akiwa na Ajax United.

Ikumbukwe kuwa, Van de Beek alikua sehemu ya kikosi cha Ajax kilichofanikiwa kutinga hatua ya nusu fainali ya mashindano ya Ligi ya Mabingwa Ulaya mwaka 2019.

Usajili huo unatarajia kukamilika ndani ya siku chache zizajo, na inatarajiwa kuwa mara baada ya makubaliano binafsi baina ya Van de Beek na United, pamoja na vipimo vya afya kukamilika, nyota huyo atasaini kandarasi ya miaka mitano na wababe wa jiji la Manchester.

Kocha wa Manchester United, Ole Gunnar Solksjaer ana mpango wa kumaliza mapema dili hilo ili aweze kumtumia Van de Beek katika mechi yake ya kwanza ya msimu wa 2020/21 wa Ligi Kuu ya Uingereza dhidi ya Crystal Palace utakaochezwa September 19.

Van de Beek, ambaye hakujumuishwa katika kikosi cha Ajax kilichozikabili Eintracht Frankfurt na Union Berlin katika mechi za kirafiki za maandalizi ya msimu mpya wa ligi zilizochezwa mapema mwishoni mwa wiki, anatarajia kuwa mchezaji wa kwanza kusajiliwa na Manchester United mara baada ya dili la United na Sancho kuonekana kubuma.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza Sasa.