Soka: Banega Kuondoka Sevilla

Baada ya ushindi dhidi ya Inter Millan katika Fainali ya Europa. Mchezaji nyota wa Sevilla – Ever Banega atangaza kuikacha miamba hiyo ya soka la La Liga na kutimkia Saudia Arabia katika klabu ya Al- Shabab.

Katika mchezo ambao ulikuwa wa vuta ni kuvute, Inter Millan walipata goli la kuongoza mapema dakika ya 5 kupitia mkwaju wa penati kabla Luuk De Jong hajasawazisha na kuongeza goli la pili.

Kufikia mapumziko ya kipindi cha kwanza, matokeo yalikua n 2-2 na kunako dakika ya 90, matokeo yalikua ni 3-2 baada ya Lukaku kushiriki kwenye goli la kujifunga kwa kushindwa kuzuia mpira wa adhabu uliopigwa kwa umakini na Ever Banega.

Ushindi kwa Sevilla umewapa rekodi ya kuwa timu pekee iliyocheza fainali 6 za Europa na kushinda zote.

Akizungumza na Movistar, Banega amesema ” Sina maneno ya kusema kwa namna ninavyojisikia. Wakati huohuo ninapaswa kusema, ninaondoka kwenye klabu ya maisha yangu lakini nimeridhika.

“Ninaondoka na ubingwa mwingine, shukrani kwa wachezaji wenzangu, ninaondoka nikijiamini. Ninataka kuwashukuru wachezaji wenzangu wote kwa kufanikisha mimi kushinda kombe.Pamoja na benchi la ufundi kwa kutufikisha hapa.

“Sasa ninapaswa kufurahia kupeleka kombe kwa mashabiki wa Sevilla, watu ambao hawakuweza kuwa hapa lakini tunahisi uwepo wao.”

Uhusiano wa soka la La Liga na Ever Banega akiwa Sevilla.

Banega ameitumikia Sevilla kwa misimu 5 ndani ya miaka 6. Amehusika katika makombe 3 ya Europa lakini Sevilla hawakumuongezea mkataba wa kusalia kwenye timu hiyo msimu ujao.

Sasa ni rasmi, Banega atajiunga na miamba ya soka la Saudi Arabia – Al Shabab.

Drops and Wins!

Umeijua hii? Ni promosheni kabambe ya ushindi kwenye Casino ya mtandaoni ya Meridianbet! Unaweza kushinda hadi Euro 2,000,000 leo.

Soma zaidi Ucheze