Nyota wa Brazil Neymar alikiri kuwa anahofia ushiriki wake katika Kombe la Dunia la Qatar unaweza kumalizika baada ya kupata jeraha la kifundo cha mguu katika mechi yao ya ufunguzi dhidi ya Serbia.
Mchezaji huyo mwenye umri wa miaka 30 alikosa mechi mbili za mwisho za kundi la timu yake dhidi ya Uswizi na Cameroon kabla ya kurejea kwenye kikosi cha kwanza jana Jumatatu na kuicharaza Korea Kusini 4-1 katika hatua ya 16 bora.
Neymar alicheza vyema dhidi ya timu hiyo ya Asia, na kuongeza bao la pili kwa Brazil usiku huo alipofunga penati baada ya Richarlison kufanyiwa madhambi.
Kurejea mapema kwa Neymar, siku 11 tu baada ya kuambulia patupu dhidi ya Serbia, kuliwashangaza wengi na Neymar alifichua kuwa alikuwa na shaka iwapo angeshiriki tena katika michuano hii.
“Niliogopa kutoweza kucheza tena Kombe hili la Dunia lakini nilikuwa na msaada kutoka kwa marafiki na familia yangu na nilijaribu kutafuta nguvu pale ambapo sikuweza kuipata,” alisema Neymar.
Vinicius Jr, Richarlison na Lucas Paqueta pia walifunga mabao hayo usiku huo, huku Selecao wakiwa mbele kwa mabao 4-0 baada ya dakika 36 pekee.
Waliuona mchezo dhidi ya kikosi cha Paulo Bento kwa urahisi, ingawa Paik Seung-ho alifunga bao la kufutia machozi.
Bao la Neymar lilikuwa la 76 kwa taifa lake katika mechi yake ya 123 pekee, kumaanisha kuwa sasa yuko nyuma ya Pele kwa bao moja tu katika orodha ya wafungaji bora wa muda wote wa Brazil.
Tangu alipocheza kwa mara ya kwanza mwaka wa 2010, mshambuliaji huyo wa PSG amekuwa kivutio kwa taifa lake na bao lake lilikuwa la saba katika mechi 12 pekee za Kombe la Dunia, akiwa pia aliwakilisha taifa lake katika matoleo ya 2014 na 2018 ya michuano hiyo.
Neymar alitolewa nje na nafasi yake kuchukuliwa na Rodrygo zikiwa zimesalia dakika tisa mchezo kumalizika, Tite akiwa na nia ya kumlinda nyota wake huyo.
Neymar alifurahishwa na kazi yake kwenye mechi hiyo baada ya kurejea kutoka kwenye majeraha, na kufichua kuwa mwili wake ulijisikia vizuri, lakini alikiri kwamba kuna mengi zaidi yatatoka Brazil licha ya matokeo hayo.
Aliongeza: “Sikuhisi maumivu yoyote kwenye kifundo cha mguu. Nadhani utendaji wangu ulikwenda vizuri sana na nimeridhika sana, lakini nadhani tunaweza kuboresha kila wakati na hilo ndilo tutajaribu kufanya.”
Brazil sasa itamenyana na Croatia katika robo-fainali ya Kombe la Dunia Ijumaa alasiri saa tatu usiku beti mechi hii kupitia Meridianbet wakali wa odds kubwa na bomba. beti na kitocho, beti bila bando kupitia machaguo spesho. Bofya hapa kuona machaguo na kubeti.
