Manara Atoa Ahadi Kuelekea Kariakoo Derby

Afisa habari wa Simba SC, Haji Manara amewaahidi Antonio Nugaz na Hassan Bumbuli Tsh1 million kila mmoja ikiwa Mabingwa hao watashindwa kuifunga kwenye mechi ya Jumapili.

Timu hizo mbili zitakutana kwenye Kombe la FA nusu fainali kwenye Uwanja wa Taifa, ambapo mshindi atacheza dhidi ya Namungo FC kwenye fainali. Msemaji huyo wa Simba ametanabaisha kuwa wamejipanga kuitoa Yanga kwenye michuano hiyo.

“Tunaingia uwanjani tukiwa na lengo la kushinda mataji mawili msimu huu,” Manara aliwaambia wanahabari Jumamosi.

“Tuna kikosi kipana kuliko wapinzani wetu, na hii ndio sababu tunabadilisha kikosi kila wakati. Kushinda michuano lazima uwe na kikosi kipana na hiyo ndio faida yetu kubwa.

“Kama tutapoteza dhidi ya Yanga, Nitampa [ Antonio Nugaz na Hassan Bumbuli] TSh1 million kila mmoja.”

Ni kwa mara ya tatu miamba hiyo ya Ligi Kuu Tanzania Bara kukutana msimu huu, wakati mzunguko wa kwanza ulimalizka kwa sare ya 2-2 na mzunguko wa pili Yanga alipata ushindi wa 1-0 kutoka kwa Bernard Morrison.