Ndidi Afanyiwa Upasuaji, Kukaa Nje kwa Wiki 12.

Kiungo wa Leicester City, Wilfred Ndidi, 23, atasalia nje kwa wiki 12 baada ya kufanyiwa upasuaji kutokana na jeraha la kifundo cha mguu alilolipata kwenye mchuano wa Ligi Kuu ya Uingereza (EPL) mnamo Septemba 20, 2020.

Nyota huyo mzawa wa Nigeria amekuwa akiwajibishwa na Leicester kama beki katika siku za hivi karibuni baada Jonny Evans kuugua.

“Ni jeraha baya. Yasikitisha kwamba tutamkosa Ndidi kwa miezi mitatu hivi baada ya kufanyiwa upasuaji. Kutokuwepo kwake kutatutikisa pakubwa,” akasema kocha Brendan Rodgers.

“Naamini atapona haraka jinsi tunavyotarajia na atarejea uwanjani kwa kiwango cha juu na kuendeleza matokeo bora ambayo amekuwa akijivunia,” akaongeza kocha huyo wa zamani wa Liverpool.

Ushindi wa 3-0 na 4-2  walioupata Leicester dhidi ya West Bromwich Albion na Burnley mtawalia katika mechi mbili za ufungunzi wa msimu huu umewaweka kileleni mwa jedwali la EPL.

Kikosi hicho kinatarajia sasa kinajiandaa na mchezo wake dhidi ya Manchester City mnamo Septemba 27, 2020, baada ya kufungwa na Arsenal kwenye Carabao Cup msimu huu kwa kichapo cha 2-0 mnamo Septemba 23 uwanjani King Power.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa