Rangers wametangaza uteuzi wa Philippe Clement kama meneja wao mpya. Clement mwenye miaka 49, alikuwa hana kazi baada ya kuondoka Monaco mapema mwaka huu.
Anarithi nafasi ya Michael Beale, ambaye alifukuzwa kazi baada ya timu yake kupoteza mechi tatu kati ya saba za kwanza za ligi msimu huu.
Baada ya kutambulishwa kama kocha mpya wa klabu, Clement alisema: “Nimefurahi kuteuliwa kama meneja mpya wa Rangers na ningependa kuishukuru bodi kwa kunipa nafasi hii.”
Ninatazamia kukutana na wachezaji katika siku zijazo na kukutana na wafuasi wetu kwenye mechi ya Jumamosi ijayo ya nyumbani na Hibernian, tunapojipanga kuunda Rangers yenye mafanikio na kushinda. Alisema hivyo kocha huyo mpya.
Mwenyekiti wa Gers John Bennett alisema kuwa Mbelgiji huyo alikuwa chaguo bora kutoka kwa mchakato uliopangwa kwa uangalifu na wa kina wa kuajiri.
Alisema: “Ningependa kutoa pongezi zangu za dhati kwa Philippe anakuwa meneja wetu wa 19. Timu inayoongozwa na Mkurugenzi Mtendaji wetu James Bisgrove, wanachama wa bodi, na mchezaji na meneja wa zamani wa Rangers Graeme Souness, imetumia siku 10 zilizopita kuwahoji wagombeaji kadhaa wa kiwango cha juu.”
Philippe alionekana kuwa mgombea bora katika vigezo vyote muhimu, akiimarishwa na rekodi yake ya kushinda mataji na anamtakia kila la kheri anapowaongoza mbele.
Mechi ya kwanza ya Clement kuongoza itakuwa dhidi ya Hibernian katika uwanja wa Ibrox Jumamosi kabla ya safari ya kwenda Sparta Prague kwenye Ligi ya Europa Alhamisi inayofuata.
Pambano lake la kwanza na mahasimu wao Celtic litachezwa Jumamosi, Desemba 30.
