Nyota wa tenisi kutoka Japani, Naomi Osaka, ameamua kujiondoa katika mashindano ya WTA 1000 ya Cincinnati ili kupata muda wa kupumzika na kujiandaa kikamilifu kuelekea US Open inayotarajiwa kuanza Agosti 24.
Uamuzi huo unakuja siku chache baada ya Osaka kushindwa kunyakuwa taji la pili mfululizo, akipoteza fainali ya Montreal dhidi ya bingwa chipukizi kutoka Canada, Victoria Mboko. Wakati wawili hao wakipambana kwenye fainali ya Montreal, mashindano ya Cincinnati tayari yalikuwa yameanza. Kwa mujibu wa ratiba, washindi wa Montreal walikuwa wamepewa nafasi ya kuingia moja kwa moja kwenye raundi ya pili ya Cincinnati.
Hata hivyo, Mboko alitangaza kujiondoa mara baada ya kushinda Canadian Open, wakati Osaka naye alisubiri kwa muda kabla ya kutoa uamuzi huo. Osaka alikuwa amepangwa kumenyana na Linda Noskova, huku Mboko akitarajiwa kumenyana na Diana Shnaider.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Awali, baada ya kushindwa kwenye fainali ya Montreal, Osaka aliashiria kuwa angecheza Cincinnati, lakini kauli zake hazikuwa na msisimko mkubwa. “Itakuwa ya kuvutia kwenda Cincinnati. Sijui… Najihisi kama niko katikati leo. Nilihisi ningeweza kucheza vizuri zaidi, lakini sina uhakika ni eneo gani hasa. Labda kwenye huduma (serve) yangu, lakini itakuwa ya kuvutia kuona jinsi nitakavyocheza mechi ijayo,” alisema bingwa huyo wa Grand Slam mara nne.
Kabla ya Montreal, Osaka alishiriki pia kwenye mashindano ya Washington, akishinda mechi ya ufunguzi kabla ya kutolewa kwenye hatua ya raundi ya 16. Msimu huu wa kiangazi, mchezaji huyo mwenye umri wa miaka 27 ameshacheza mechi tisa kwenye uwanja wa hard court, jambo linalompa maandalizi mazuri kuelekea US Open.
