Mshambuliaji wa klabu ya Bayern Munich, Harry Kane, atakosekana katika mchezo wa Ijumaa wa Bundesliga dhidi ya Borussia Mönchengladbach kutokana na jeraha dogo la misuli ya nyuma ya mguu. Kocha wa timu hiyo, Vincent Kompany, alithibitisha taarifa hiyo Alhamisi wakati akizungumza na waandishi wa habari kuelekea mchezo huo utakaochezwa nyumbani.
Kompany alisema Harry Kane alipata pigo kwenye misuli ya mguu na bado hajapona kikamilifu hivyo hatakuwa tayari kucheza. Alisisitiza kuwa jeraha hilo si kubwa lakini muda wa kupona haujatosha kumruhusu mshambuliaji huyo kuingia uwanjani katika mchezo huo muhimu.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Nahodha huyo wa timu ya taifa ya England national team amekuwa katika kiwango bora msimu huu. Wiki iliyopita alifunga mabao mawili katika ushindi wa mabao 3-2 dhidi ya Borussia Dortmund, matokeo yaliyoifanya Bayern kuongoza kileleni mwa msimamo wa Bundesliga kwa tofauti ya alama 11.
Kwa sasa Harry Kane ameweka rekodi ya kufunga angalau mabao mawili katika michezo minne mfululizo ya ligi. Aidha, tayari amefunga mabao 30 katika michezo 24 ya Bundesliga msimu huu, huku pia akifikisha penalti yake ya 10 aliyofunga msimu huu.
Mshambuliaji huyo mwenye umri wa miaka 32 anaendelea kulenga kuvunja rekodi ya mabao mengi katika msimu mmoja wa Bundesliga ya mabao 41 iliyowekwa na Robert Lewandowski. Mbali na Kane, mabeki Hiroki Ito na Alphonso Davies pia watakosekana katika mchezo huo kutokana na majeraha.
Hata hivyo, Kompany ameonya kuwa licha ya Bayern kuwa na uongozi wa alama 11 kileleni mwa msimamo, bado mbio za ubingwa hazijaisha. Bayern wana alama 63 wakifuatiwa na Borussia Dortmund wenye alama 52 huku Hoffenheim wakiwa nafasi ya tatu kwa alama 46, huku kocha huyo akisisitiza timu yake kuendelea kuzingatia ushindi katika kila mchezo.
