Dyabala Bado Anaendelea Kupambania Afya Yake

Paulo Dyabala atalazimika kuendelea kusalia karantini, hata ikiwa mazoezi yataanza karibuni. Staa huyu bado anaendelea kupambana na virusi vya corona ambavyo alithibitishaa kuwa navyo.

Baada ya wachezaji wenzake wawili hivi karibuni kupimwa na kupimwa na kukutwa bila maambukizi, Juventus walitangaza mshambuliaji huyu Muargentina alipatikana na maambukizi katika vipimo vilivyofanyika Tarehe 21 Machi.

Kwa mujibu wa ripoti ya Sysport, nyota huyu ameendelea kukaa Karantini nyumbani kwake. Dybala bado hajaweza kupona kabisa virusi vya corona toka aliporipoti kuwa yeye na mpenzi wake walikuwa wameambukizwa virusi hivyo.

Juventus ilikuwa ni klabu ya kwanza wa wachezaji wake kujitokeza kutangaza kuwa wamepata maambukizi ya virusi vya Corona. Dyabala alikuwa mchezaji wa pili, baada ya Daniel Rugani kuthibitika amepata maambukizi.  Blaise Matuidi pia alipatikiana na maambukizi, lakini yeye na Rugani wameshapona kwa sasa.

Hata hivyo, nyota huyu anaendelea vizuri na anaonekana kuwa na afya isipokuwa hajaweza kurejea hali ya kutokuwa na virusi kabisa.

Ratiba rasmi ya kurejea kwa Ligi ya Serie A bado haijapatiwa majibu wakati serikali ikiwa inatarajiwa kutoa muongozo zaidi siku za hivi karibuni. Kuna matumaini kuwa Ligi inaweza kuendelea mapema mwezi mei.