Van der Sar " Van de Beek Anaweza Kusepa"

Mkurugenzi Mkuu wa Ajax, Edwin van der Sar amethibitisha kiungo Donny van de Beek ataruhusiwa kuondoka klabuni dirisha la usajili lijalo kwa ofa nzuri.

Tottenham, Manchester United, Barcelona na Real Madrid wamehusishwa kuwania saini yake, mchezaji aliyecheza nafasi muhimu na kuifikisha nusu fainali wa Ligi ya Mabingwa 2019.

Ajax tayari wamefikia makubaliano ya kumuuza Hakim Ziyech kwa Chelsea kwa dau la pauni milioni 33.3 na Van der Sar nakuongezea kuwa hana presha ya kumuuza kwa bei ya chini, pamoja na madhara ya Corona.

“Mwaka jana, tulifanya makubaliano ya mdomo na [Andre] Onana, [Nicolas] Tagliafico na Van de Beek kubaki kwa msimu mwingine na kisha tutaangalia namna ya kusaidiana na kuangalia hatua nyingine katika kazi yao. Hakuna kilichobadilika,” alisema Van der Sar.

“Hawatakuwa na punguzo kwa 50%. Vilabu visahau hilo.”

Ajax wametengeneza zaidi ya £140m kipindi cha kiangazi kilichopita baada ya kuwauza Frenkie de Jong kwenda Barcelona na Matthijs de Ligt kwenda Juventus.

“Januari mwaka jana watu walisema tutapoteza wachezaji saba au nane  lakini tumepoteza nyota wetu muhimu wawili tu,” Van der Sar aliongeza.

“Vilabu vikubwa kama Bayern Munich wamesema hawatatumia pesa nyingi kwenye usajili katika dirisha la usajili lijalo. Lakini ni rahisi kwao kwasababu wao ni wanunuzi”

“Ni kweli, usajili wa 150m-200m euros haitakuwepo. Lakini nafikiri kuna thamani kubwa ya wachezaji kutoka Ajax.