Serie A Ruksa Mazoezi

Vilabu vya Serie A vitaanza mazoezi ya kikosi kizima Jumatatu baada ya kupata ruhusa kwa Waziri Mkuu wa Italia Giuseppe Conte.

Serikali ya Italia imethibitisha klabu zinaweza kuanza mazoezi ya wachezaji wote kwa mara ya kwanza tanguLigi isimamishwe Machi 9.

Vilabu viliruhusiwa kuanza mazoezi Jumatatu iliyopita lakini kwa mtu mmoja mmoja na kuheshimu umbali wa mtu na mtu.

Kwenye kikao na waandishi wa habaru Jumamosi, Conte amesema: “Kwanzia Mei 18 maduka, saluni za kike na kiume, baa, migahawa, mazoezi ya timu za mpira wa miguu na makumbusho zitaweza kufunguliwa.

“Lakini ni kwa kuhakikisha sheria na maagizo yote yanafuatwa na kudhibitiwa na kanda maalum.”

Hakuna tarehe iliyowekwa kwaajili ya Serie A kuanza lakini imeonyesha mwanga kwa klabu zilizopiga kura Juni 13.

“Tunatakiwa kuelewa kama hali itaruhusu Ligi kuendelea lazima tuhakikishe usalama kwa 100%. Lazima tujidhatiti sana, tuna matumaini tutaanza haraka iwezekanavyo,” ameongeza.

Juventus ndio vinara wakati Ligi ikisimama, kwa pointi moja juu ya Laizo.