Lampard Awapigia Debe Giroud na Willian

Kocha wa Chelsea Frank Lampard amesema anatamani klabu iwaongezee mikataba  Olivier Giroud na Willian hadi mwisho wa msimu.

Premier League imesema mapema wiki hii kuwa mikataba inayomalizika Juni 30 inaweza kuongezwa kwa muda mfupi hadi Ligi itakapomalizika baada ya pande mbili kufikia makubaliano.

Wote Willian, 31, na Giroud, 33, mikataba yao inamalizika kipindi hiki cha kiangazi na wachezaji wote wamehusishwa kuwaniwa na vilabu mbalimbali, Willian akitakiwa na Liverpool na Giroud Inter Milan.

The Blues itawapoteza wachezaji hao nyota kipindi hiki cha kiangazi, wakati Willian akitafuta klabu itakayompatia mkataba wa miaka mitatu na Giroud anatafuta klabu ya kumpa muda mwingi wa kucheza.

“Bado sina uhakika kama tunaweza kucheza. Tunawachezaji wakubwa mikataba yao inamalizika, hicho ni kitu cha kukiangalia kwa makini,”

“Wanaomaliza mikataba yao wamekuwa watumishi wazuri wa klabu na wanahisia kwa klabu.

“Ni kweli klabu lazima inwaangalie, kuhusu kurejea mazoezini sasa na kuhusu mwanzo wa msimu ujao lazima tufanye haraka ili tuhakikishe wapo sawa.

“Kwahiyo kuna kitu lazi tuangalie, ni matumaini yangu tutapanga namna ili kufanya mipango wabak na sisi.

“Napenda niwe na kikosi hiki misimu yote, lakini tunataangalia namna itakavyokuwa.”