Lampard Kuelekea Chelsea vs Crystal Palace

Mkutano wa kocha Frank Lampard hii leo kabla ya mechi ya kesho ambapo Chelsea itakuwa ugenini kuikabili Crystal Palace.

“Kante hatokuwepo kwenye kikosi kutokana na majeraha ya nyama za paja. Kovacic amefanya mazoezi ingawa ataukosa mchezo pamoja na Tomori nategemea anaweza kurejea wiki ijayo.”

Kama ushindi wa jumamosi umeirudisha Chelsea kwenye njia;
“Sidhani kama tulikuwa nje ya njia. Kila mechi ni ngumu. Crystal ni timu ngumu pia iliyojipanga zaidi kwenye kuzuia hivyo tunatakiwa kuchagua njia sahihi ya kuukabili mchezo.”

Kama Man utd ni mpinzani mkubwa kwa Chelsea;
“Ni mpinzani mkubwa kutokana na aina ya kikosi walichonacho. Wachezaji wake watatu wa mbele wote wanafunga magoli mengi na wana hali ya juu. Ni wapinzani wakubwa lakini kinachotakiwa zaidi ni jinsi gani utamaliza msimu.”

Kuhusu kurejea kwa Loftus-Cheek na Hudson-Odoi;
“Kwa Loftus-Cheek hiki ni kipindi chake muhimu cha kurejea mchezoni na kujiweka sawa lakini msimu ujao ndicho kipindi atakuwa kwenye ubora zaidi. Lakini hiyo haimaanishi kama kwasasa hawezi kuwa bora.”

“Ni hivyo hivyo kwa Callum pia, lakini yeye anatakiwa kuhakikisha anafanya mazoezi kwa bidii sana ili azidi kuwa vizuri. Kwasasa tunaona kile ambacho Pulisic na Willian wanakifanya, basi vile ndivyo anatakiwa kufanya Callum au ata kwa ukaribu wake.”

Kuhusu Jorginho kuziba pengo la Kante;
“Ni mchezaji mzuri. Na anataka sana kucheza na hilo kila mchezaji analitaka. Na mara zote amekuwa akifanya mazoezi vizuri. Kila mchezaji ana umuhimu wake tofauti ipo kwenye uchaguzi wa kikosi tu. Na sitaki kuelezea sababu ya kwanini nimechagua uyu acheze ama yule asicheze. Muhimu zaidi ni kutambua wachezaji wote ni machaguo yangu.”

Tofauti ya Eden Hazard na Christian Pulisic;
“Kwakuwa nimewai kucheza na Hazard, namtambua kama mchezaji mwenye kipaji kikubwa ambaye anaweza kuwavuta mabeki wamkabe yeye uku akitengeneza nafasi kwa wengine. Wakati Pulisic ni mchezaji zaidi anayetazama mbele, kitu ambacho nakipenda.”

“Ni aina ya mchezaji akipata mpira atapambana kuhakikisha anavunja mhimili wa mabeki kisha anashambulia. Ukizungumzia kuwalinganisha kwa hapo nitakaa pembeni. Hazard ameshakuwa hapa na amefanya makubwa.”