Ulaya: Immobile Mfalme Mpya

Msimu huu (2019-20) umekuwa wa aina yake kunako anga la soka barani Ulaya. Mbio za kutafuta tuzo za kiatu cha dhahabu hakika zilikuwa za kusisimua ukimtizama Ciro Immobile na nyota wengine.

Tuzo hiyo hutolewa kwa mchezaji aliyefunga magoli mengi katika Ligi tano kubwa barani Ulaya – EPL, La Liga, Serie A, Bundesliga na Ligue 1.

Msimu huu umekuwa wa aina yake kwa wachezaji mbalimbali kuonesha uwezo wao katika kupachika magoli. Ciro Immobile anaekipiga kunako timu ya Lazio inayocheza Serie A amekuwa na msimu mzuri kwa kupachika jumla ya magoli 36 katika michezo 37 aliyocheza msimu huu.

Lionel Messi wa Barcelona kunako La Liga amefunga magoli 25, Cristiano Ronaldo (31) na, Lewandowski (34). Katika idadi hizi, Immobile amefunga magoli 14 na Ronaldo 12 kwa mikwaju ya penati, Messi amefunga magoli 5 kwa mipira ya faulo wakati Lewandowski akifunga penati 5 pekee.

Akizungumzia mafanikio hayo, Immobile amenukuliwa akisema ” Inashangaza, mimi kuwa kati ya Ronaldo na Lewandowski. Nikiangalia orodha ya waliotangulia siamini, ni Messi, Messi, Suarez, Ronaldo, Ronaldo, Messi, Messi, Ronaldo, Messi”

“Nimeingilia utawala wa Messi na Ronaldo. Kwa hili, ninawashukuru wachezaji wenzangu”

Kwa idadi ya magoli ya Immobile msimu huu, ameifikia rekodi ya Gonzalo Higuain ambaye alifunga magoli 36 katika msimu mmoja wa Serie A mwaka 2015-16.

Pamoja na hilo, Immobile pia amezungumzia taarifa ya David Silva kujiunga na Lazio msimu ujao. Kumekuwa na taarifa kwamba kiungo huyo ananafasi kubwa ya kutimkia Serie A baada ya kuitumikia Manchester City kwa miaka 10.

Kuhusu ujio wa Silva, Immobile amesema ” Ni mchezaji mzuri mwenye uzoefu mkubwa, tunasubiri kumpokea kwa mikono miwili. Ninashauku kubwa ya kumpokea, sisi ni mashabiki kabla ya kuwa wachezaji wa Lazio”.

Pamoja na mafanikio ya Immobile msimu huu kunako Serie A, timu anayoingoza kama Nahodha – Lazio, wamemaliza ligi katika nafasi ya nne nyuma ya mabingwa Juventus, Inter Millan na Atalanta.

Umekuwa mteja muaminifu wa meridianbet? Kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

soma zaidi