Chelsea Watamuachia Kepa kwa Donnarumma?

Ripoti zinazochanja mbuga kwa kasi kule Uingereza ni kuwa klabu ya Chelsea inataka kufanya dili la mabadilishano kati ya mlinda mlango wake Kepa Arrizabalaga ili kumpata golikipa Gianluigi Donnarumma wa Milan.

Mkataba wa sasa wa mzuia mikwaju Donnarumma pale San Siro unaisha mwaka 2021, na kwa mujibu wa wakala wake Mino Raniola mpaka sasa hakuna maongezi yaliyofanyika kumuongezea mkataba.

Sababu ya kutofanyika kwa mazungumzo ya kusaini mkataba mwingine inatajwa kuwa ni kwa sababu klabu ilikuwa ‘bize’ na suala la mkataba la Zlatan Ibrahimovic, mazungumzo ambayo yamekamilika wikiendi hii na dili linatarajiwa kuwa litasainiwa Jumatatu.

Bada ya ishu ya Zlatan, sasa Milan wanaweza kurejea kwa Donnarumma kuhakikihsha kuwa hataondoka kama mchezaji huru msimu ujao.

Hata hivyo, taarifa zinataja kuwa klabu ya Chelsea ilikuwa inafanya mazungumzo na Donnarumma, na wapo tayari kumtoa Kepa na kiasi cha pesa ili kumnasa golikipa huyu mwenye miaka 21.

Kepa ambaye sasa anatimiza miaka 26 Oktoba, alinunuliwa kwa €80m katika msimu wa joto wa mwaka 2018, lakini hivi karibuni amekuwa akiachwa kikosini kwa sababu ya makosa kadhaa.

Hata hivyo, vyanzo vya habari vya Italia havizungumzii kwa upana suala hili. Inawezekana Milan wakahitaji kusalia na Donnarumma.

Beti Mbio za Mbwa Mubashara

Hii ni rahisi zaidi! Hapa USHINDI unaupata kwa kuchagua mbwa anayeshinda mbio na machaguo mengine yenye odds tamu.

Cheza Hapa