Jeremie Boga Kuwanufaisha Chelsea

Klabu ya Chelsea ipo mbioni kupata kiasi kikubwa cha fedha kupitia Jeremie Boga iwapo kiungo huyu nyota wa kikosi cha Sassuolo atauzwa.

Nyota huyo wa Sassuolo anahusishwa na dili la kusajiliwa na timu ya Ufaransa ‘Rennes’ ambayo imeweka mezani ofa ya pauni 17m ili kunasa saini ya nyota huyo.

Mkurugenzi wa Chelsea, Marina Granovaskaia alifanikiwa kuweka kipengele kinachowawezesha Chelsea kupata 15% ya ada yoyote ambayo mchezaji huyo wa zamani wa Chelsea atasajiliwa na timu nyingine.

Jeremie Boga (23), aliyekuwa na mafanikio makibwa katika misimu miwili iliyopita, anawaniwa wa vilabu vya Napoli, Roma na Atalanta lakini Rennes ndiyo wapo karibu zaidi kupata saini ya nyota huyo.

Nyota huyo ambaye ni zao la kituo cha kukuzia vipaji cha Chelsea, amejipatia uzoefu mkubwa mara baada ya Chelsea kumpeleka kwa mkopo katika vilabu mbali mbali vya ligi za La Liga, Championship na Ligue 1 kabla hajaamua kuihama mazima klabu hiyo ya London mwaka 2018.

Kwa upande wa Boga mwenyewe, yupo tayari kwenda kutafuta changamoto sehemu nyingine nje ya Sassuolo na Rennes ndiyo panapoelekea kuwa kituo chake kinachofuata.

Kocha wa Rennes, Julien Stephan ameweka wazi kuwa anavutiwa na mchezaji huyo wa Sassuolo na yupo tayari kumsajili.

“(Jeremie Boga) ana uwezo mkubwa wa kukaa katika nafasi, kutengeneza na kumalizia mashambulizi. Ninamfahamu vema kwa kuwa alishaichezea timu hii kwa mkopo misimu michache iliyopita. Mimi na yeye tunafahamiana, japo kipindi hicho nilikua nafundisha kikosi cha pili cha timu hii.”

Katika hatua nyingine, kaka wa Boga, ambaye pia ni wakala wake, amesema kuwa Boga anawaniwa na timu nyingi za Seria A na EPL lakini maamuzi juu ya wapi atakwenda ni juu yake mwenyewe.

Kwa upande wa Chelsea wenyewe, watapata 15% ya ada ya usajili itakayotolewa na klabu yoyote itakayomsajili Boga.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza Sasa