Barcelona Kupeleka Ofa ya Mwisho kwa Martinez.

Imeripotiwa kuwa klabu ya Barcelona ipo katika mpango wa kutuma ofa kwa Inter Milan ili wamsajili mshambuliaji Lautaro Martinez.

Hii ni baada ya meneja wa sasa Ronald Koeman kumfahamisha mu-Uruguay, Luis Suarez anayewindwa na Juventus kuwa hayupo katika mipango yake.

Kama ilivyoripotiwa na goal, Martinez anaongoza katika orodha ya wachezaji wanaowindwa na Barcelona ukiachilia mbali pia kuna tetesi za Nyota wa Lyon,Memphis Dapay pia kufukuziwa na Barca.

Martinez amefunga mabao 30 katika michezo 84 tangu ajiunge na Inter akitokea Racing Club mwaka 2018.

Martinez ni mdogo kwa Suarez kwa tofauti ya miaka kumi(10) hivyo Barca wanaonekana kutaka kusuka upya kikosi chao na tayari kuna mazungumzo baina ya Suarez na Barcelona juu ya kusitisha mkataba wake ambao ungefikia tamati mwakani.

Marca iliripoti kuwa Suarez ameshafikia makubaliano na Juventus ya mshahara wa Paundi milioni 9 kwa mwaka.

Kwa mujibu wa ESPN ni kwamba Suarez anafanya mazoezi pasipo kuhusika na kikosi cha wenzake sambamba na Arturo Vidal mpaka hapo muskatabali wake utakapofamika.

Barcelona tayari walishamnyakua Miralem Pjanic huku pia wakiwa wameshakamilisha dili za Pedri na Fransisco Trincao.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza Sasa.