Klopp na Utaalamu wa Kuendesha Gari Bovu Alilolizoea

Liverpool hawajafanya maingizo yoyote mapya kwenye kikosi chao zaidi ya Kostas Tsimikas, beki wa kushoto kutoka Ugiriki, si usajili unaofikirisha. Tunajua anakuja kumsubiri Andy Robertson, ila si kuingia kwenye kikosi cha kwanza.

Bado ukisoma magazeti kutazama tetesi za usajili, Liverpool wao hawapo. Taarifa yao ni moja tu, Thiago Alcantara, hakuna mwingine na dili la Alcantara litafanikiwa tu iwapo Giorgio Wijnaldum atajiunga na Barcelona.

Hii inamaanisha nini? Klopp anaamini anaweza kwenda kutetea taji lake na kikosi kilekile kilichotwaa taji msimu uliopita. Ndiyo maana hajihangaishi sokoni. Swali linakuja, Je ni kweli Liverpool wanaweza kutetea taji na kikosi kilekile?

Kwa haraka, akilini kwetu ni kitu kisichowezekana, haswa tukitazama usajili walioufanya Chelsea na Man City. Zaidi ya yote, tunaamini Liverpool wamechoka, wametumia kikosi hichohicho kwa miaka mitatu. Watasumbuliwa na ‘fatigue’ na kisaikolojia hawapo kimapambano. Kwanini? Walifika fainali ya UEFA, msimu uliofuata wakachukua, wakawa wa pili kwenye ligi, msimu uliofuata wakachukua ligi. Unadhani wanahitaji nini tena? Hakuna. Hivo hawawezi kuwa na ari kama waliyokuwa nayo misimu mitatu nyuma.

Hizi ni hoja za msingi, tena zina mashiko. Ila nilikuwa na mawazo tofauti kidogo. Mimi binafsi yangu, ninaamini Liverpool wanaweza kulitetea taji lao. Kwanini?

Kwanza sidhani kama Liverpool inahitaji sura mpya sana. Sioni eneo ambalo Liverpool wana udhaifu. Kuanzia golini mpaka mbele. Liverpool wanakosa kikosi kipana tu, ila hawakosi wachezaji bora. Isitoshe Minamino na Keita hawakutumika msimu ulioisha, uwepo wao ni sawa na usajili mpya.

Pia wachezaji wengi wa Liverpool wapo katika umri wa kuwa kwenye peak. Tukimuacha TAA mwenye miaka 21. Wengi wapo katika umri wa kuwa kwenye moto. Hili linatokea wakiwa wamecheza pamoja kwa muda mrefu. Hawahitaji muda tena kuzoeana.

Mwisho tusisahau kuwa kocha wao ni Jurgen Klopp. Mtu aliyefanya visivowezekana viwezekane. Aliifikisha Dortmund mbovu fainali ya UEFA, akachukua nayo Bundesliga. Ameigeuza Liverpool kuwa tishio kwa mikakati tu. Tusisahau huyu ni Klopp.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.