Samatta Amesajiliwa Fenerbahce

Nahodha wa Timu ya Taifa ya Tanzania na aliyekuwa mchezaji wa Aston Villa – Mbwana Samatta, sasa ni rasmi amekamilisha usajili wa kuichezea Fenerbahce ya Uturuki msimu huu. 

Samatta alisajiliwa na Aston Villa mwezi Januari akitokea Genk – Ubelgiji. Akiwa Aston Villa amecheza michezo 16 na kuzifumania nyavu mara 2 pekee. Alitua Villa kwa ada ya pauni milioni 10 na alisaini mkataba wa miaka 4 na nusu.

Baada ya kutokuwa na mwanzo mzuri kwenye EPL akiwa na Villa, sasa amesajiliwa Fenerbahce na anakwenda kukipiga katika ligi ya Uturuki. Kwa sasa tayari Villa wameshasajili washambuliaji wawili akiwemo Ollie Watkins na Bertrand Traore.

“Ninajua Fenerbahce ni klabu kubwa. Ninafurahi kuwa kwenye familia hii, itakuwa ni changamoto mpya na kubwa kwangu.

“Fenerbahce inamashabiki wengi na wanahitaji ushindi kila mara. Na mimi ninataka kushinda, nimekuja hapa kwa sababu hiyo. Nimefurahi sana na ninaimani tutashinda makombe mengi.” amesema Mbwana Samatta.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa