Colombo Juu ya Goli Lake la Kwanza: Nilifanyia Kazi.

Lorenzo Colombo anafuraha kwamba bidii yake imemfanya acheze mchezo wake wa kwanza na kufunga goli Milan iliposhinda 3-2 dhidi ya Bodo/Glimt siku ya Alhamisi.

Colombo ambaye ni zao kutoka akademi ya Milan, aliiweka mbele Milan kwa 2-1 katika mchezo wa kufuzu kucheza Europa League.

Akiwa na umri wa miaka 18 na siku 200 Colombo amekuwa mchezaji mdogo zaidi kuifungia goli miamba hiyo ya Italia tangu M’Baye Niang afanye hivyo mwaka 2012.

Lorenzo alipelekwa katika nafasi ya mkongwe Zlatan Ibrahimovic, ambaye alipimwa na kukutwa na maambukizi ya Corona na Milan wanaamini aliitendea haki nafasi yake kung’aa.

“Iikuwa ni fursa ya kipekee kwangu kucheza, nilifanyia kazi kwa bidii kufika hapa,”aliiambia DAZN.

“Nilipata hisia ya kipekee, nimekuwa nikihangaikia hili, bado kuna mengi yanafuata bado sijafanya kitu chochote.

“Ninafuraha kwa kupata goli, ukurasa mpya nimeuanza lakini kesho tunarudi mazoezini kwaajili ya kujiandaa na changamoto inayofuata.

Colombo alikuwa akihusishwa kuondoka klabuni hapo ili apate timu itakayompa kucheza katika kikosi cha kwanza amesema hatoondoka Milan kwa sasa.

“Nataka kubaki,” alisema. “Nilikuwa hapa Milan tangu mdogo na ninafanya bidii ninataka kuwa hapa kwa muda mrefu.

Alipo ulizwa kama atamuweka sokoni Colombo katika dirisha hili la usajili Stefano Pioli alijibu: Nitaondoka mimi kabla ya Colombo, nataka kuwa hapa.”

Pioli pia alimsifu Colombo baada ya kumkosa mchezaji ambaye amekuwa katika kiwango kizuri Ibrahimovic ambaye amegundulika kupata covid-19.

“Ni kijana wa kipekee ambaye amekamilika, ana hamu kubwa ya ushindi, ni kijana mdogo sana na furaha amefunga katika mchezo wake wa kwanza.

FURAHIA KASINO YA MTANDAONI

Tembelea ardhi ya maajabu ushangazwe na mengi ikiwa ni pamoja na urahisi wa kujipatia utajiri kupitia Kasino ya Meridianbet.

Cheza Sasa