Pogba Bado Anandoto ya Real Madrid

Kiungo wa Man United na timu ya Taifa ya Ufaransa – Paul Pogba, bado anandoto ya kuitumikia Real Madrid akiwa kama mchezaji.

Pogba amekuwa akihusishwa sana na Real Madrid haswa baada ya Zinedine Zidane kutamka hadharani hamu yake ya kumuona Paul akitumikia kikosi anachokifundisha.

Maisha yake ya soka yalianzia Man United ambapo alipata umaarufu akiwa bado ni kijana mdogo na baadaye aliuzwa na kujiunga na Juventus.

Akiwa Juve alifanya mambo mengi mazuri akitengeneza safu nzuri ya kiungo na Andre Pirlo ambaye kwa sasa ni kocha wa timu hiyo.

2016 Pogba alisajiliwa tena Man United akiwa katika kiwango cha juu sana. Maisha yake ndani ya United yamekuwa ni ya kupanda na kushuka, msimu baada ya msimu, kiwango chake hakitabiriki na wengi wanahisi bado hajaonesha uwezo ule aliotoka nao Juventus.

Akiwa amebakiwa na mwaka 1 kwenye mkataba wake, pengine wengi tulidhani angesajiliwa na timu kubwa katika dirisha hili la usajili ambapo bado hajaongezwa mkataba mpya na Man United, hali haikuwa hivyo na mpaka sasa ni mchezaji halali wa Man United.

Akizungumza na waandishi wa habari akiwa Ufaransa, Pogba amesema “kila mchezaji angependa kucheza Real Madrid. Ni ndoto yangu, sasa kwanini isitokee siku moja?

“Nipo Manchester na ninaipenda klabu yangu. Ninaichezea Manchester na ninafurahi, ninataka kufanya kila ninaloweza kuirudisha klabu mahali inapotakiwa kuwa. Nitajitoa kwa kila niliwezalo kama ilivyo kwa wachezaji wengine.”

Je, ndoto ya Pogba itatimia? Kuna mengi ya kuendelea kufurahia katika ulimwengu wa soka na hili ni moja wapo.

Weka Pesa kwa Airtel Money!

Sasa unaweza kuweka pesa moja kwa moja kwenye akunti yako ya Meridianbet kwa kutumia mtandao wa Airtel. Usipate wasi wasi, tunaifanya kazi kuwa rahisi zaidi!

Soma Zaidi