Kocha mkuu wa Tottenham Hotspur FC, Igor Tudor, anaendelea kukabiliwa na changamoto kubwa baada ya kushindwa kupata ushindi wowote katika michezo yake minne ya kwanza tangu apewe jukumu la kuinoa klabu hiyo ya Ligi Kuu ya EPL.
Tottenham ilianza kwa kipigo cha mabao 4-1 kutoka kwa wapinzani wao wa jadi, Arsenal FC, katika pambano lililochezwa Uwanja wa Emirates. Kipigo hicho kiliongeza shinikizo kwa kocha huyo mpya aliyekumbwa na changamoto ya kuimarisha kikosi chenye historia ya kushindwa mara kwa mara katika michezo ya nyumbani na ugenini.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Baadaye, Spurs ilipoteza 2-1 katika uwanja wa nyumbani dhidi ya Fulham FC, na kufuatiwa na kipigo kingine cha 3-1 dhidi ya Crystal Palace FC, hali iliyoonyesha mapungufu katika safu ya ulinzi na ubunifu wa mashambulizi. Hali hiyo ilikamilishwa jana pale Tottenham ilipopoteza 5-2 ugenini dhidi ya Atlético Madrid katika mchezo wa kwanza wa hatua ya 16 bora ya UEFA Champions League, jambo lililoimarisha shinikizo la Tudor na kuongeza mashaka kuhusu uwezo wake kuiongoza Spurs katika mashindano makubwa ya Ulaya.
Hadi sasa, Igor Tudor bado hajafanikiwa kupata ushindi wowote tangu alipopewa jukumu la kuwa kocha mkuu wa Tottenham Hotspur FC, hali inayoongeza hofu kwa mashabiki na wachambuzi wa soka kuhusu mwenendo wa timu hiyo katika Ligi Kuu na Ligi ya Mabingwa.
Mwanzo mgumu: Tottenham imeanza msimu huu kwa rekodi mbaya, huku mashabiki wakitarajia Tudor kubadilisha hali haraka kabla ya michezo ijayo ya Ligi Kuu na Ligi ya Mabingwa. Baada ya mechi yake ya UEFA Champions League dhidi ya Atlético Madrid, Spurs itakuwa na jukumu kubwa la kurekebisha mchezo wake wa nyumbani ili kuepuka rekodi mbaya zaidi.
