Marcus Rashford alidai kuwa alikuwa kwenye ‘nafasi bora ya kupiga kichwa’ baada ya kufunga bao la kihistoria kwa Manchester United na kuipatia timu yake ushindi dhidi ya West Ham.
Rashford aliteseka zaidi ya msimu uliopita aliporejea uwanjani baada ya kufanyiwa upasuaji wa bega kutafuta nafasi ya kucheza akiwa United, na hali yake ya kujiamini ilidhoofika.
Lakini baada ya kufunga bao lake la saba msimu huu na kuwa mchezaji wa kwanza wa United kufikisha magoli 100 tangu afanye hivyo Wayne Rooney mwaka wa 2009, alikiri kuwa ananufaika kutokana na kuwa katika hali nzuri ya akili.
“Kusema kweli, kuna nguvu tofauti kabisa katika klabu nzima, uwanja wa mazoezi na hiyo inaniweka katika nafasi nzuri, ninahisi kuwa na motisha sasa,” alisema Rashford, ambaye anatimiza miaka 25 Oktoba 31.
“Nilitatizika nyakati fulani msimu uliopita, mambo ya kiakili zaidi, sio uchezaji wangu mwenyewe. Yalikuwa mambo mengine nje ya uwanja. Mara nyingi sana msimu uliopita sikuwa kwenye nafasi sahihi ya kufunga.
“Nahitaji kufunga mabao machache zaidi ya kichwa. Kwangu mimi ni kuhusu kuingia katika maeneo na malengo yatakuja.” Aliongeza Marcus
United walikuwa na deni kwa David de Gea kwa kuokoa mabao matatu kutoka kwa Michail Antonio, Kurt Zouma na Declan Rice kuhifadhi uongozi wao.
De Gea alisema: “Mpira wa kichwa kutoka kwa Zouma lilikuwa bora zaidi kwa sababu ulikuwa karibu kuingia. Lakini nina furaha kuokoa na ni ushindi mkubwa.”
Ten Hag alitoa pongezi kwa Rashford aliposherehekea ushindi mnono. ‘Pasi kutoka kwa Christian Eriksen ilikuwa nzuri na mpira wa kichwa ulikuwa nyundo,’ alisema bosi huyo wa United. ‘Inapendeza sana kama mchezaji nje ya akademi akifunga bao lake la 100.’
