Arsenal Wampa Soares Mkataba wa Muda

Arsenal tayari wamekubaliana kuongeza mkataba wa muda mfupi na Cedric Soares ambao utamfanya asalie hadi msimu wa Ligi itakapomalizika.

Soares alijiunga na Arsenal kwa mkopo akitokea Southampton Januari lakini hajacheza mechi yoyote akiwa kwenye klabu hiyo ya Londo Kaskazini.

Beki huyo wa kulia alikuja kama mbadala wa Hector Bellerin, lakini alijiunga na Arsenal akiwa na majeraha ya goti, wana matumaini atarejea baada ya wiki tatu.

Japo, kupona kwake hakutakuwa na haraka sana kwa Mreno huyo mwenye miaka 28, hajarejea mazoezini tangu Ligi isimame mwezi Machi.

Soares sasa amepona majeraha ya mguu, lakini hajacheza mchezo wowote kati ya mechi mbili za kirafiki dhidi ya Charlton na Brentford wiki zilizopita.