Duran Atia Wasiwasi Kuhusu Mustakabali Wake

Inaonekana nyota ya mshambuliaji kijana wa Colombia, Jhon Durán, inazidi kufifia kwa kasi, hali inayowaacha mashabiki wa soka wakijiuliza nini kimeenda vibaya kwa kipaji kilichokuwa kikisifiwa sana barani Ulaya.

Takribani miezi 16 iliyopita, Durán alionekana kama mmoja wa washambuliaji vijana wenye mvuto mkubwa zaidi katika Ligi Kuu ya England. Alivutia macho ya wengi baada ya kuibuka na tuzo za Mchezaji Bora wa Mechi katika Ligi ya Mabingwa Ulaya dhidi ya Bayern Munich, kufunga mabao ya kuvutia na kuhusishwa na klabu kubwa kama Chelsea na Arsenal.

Hata hivyo, hali imebadilika kwa kasi isiyotarajiwa. Kwa sasa, Durán anatarajiwa kujiunga na Zenit St Petersburg kwa mkopo, baada ya kupitia mwaka mgumu uliojaa misukosuko na maamuzi yaliyoibua maswali mengi.

Baada ya kuhamia Saudi Arabia, mshambuliaji huyo alidumu kwa miezi sita pekee kabla ya kuondoka Al-Nassr, kufuatia kutofautiana kimtazamo na nyota mkubwa Cristiano Ronaldo pamoja na uongozi wa klabu. Hatua hiyo ilichukuliwa kama pigo kubwa kwa maendeleo yake.

Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa

Baadaye, alihamia Fenerbahce kwa mkopo, lakini nako mambo hayakwenda sawa. Alishindwa kung’ara, huku mkataba wake wa mkopo ukivunjwa kabla ya muda wake kuisha, jambo lililoendelea kuharibu taswira yake kisoka.

Kutokana na mwenendo huo, baadhi ya wachambuzi wa soka wameanza kumuona Durán kama Mario Balotelli wa Colombia, mchezaji mwenye kipaji kikubwa lakini anayesumbuliwa na maamuzi na mazingira nje ya uwanja.

Cha kushangaza zaidi ni kwamba Durán ana umri wa miaka 22 tu, lakini tayari ametajwa kuwa amecheza katika ligi tatu zinazochukuliwa na wengi kama ligi za kustaafu kwa wachezaji wakubwa, hali inayozua hofu juu ya mwelekeo wa taaluma yake ya soka.