Bayern Warejea Mazoezini Kujiandaa na Msimu Mpya.

Zikiwa zimepita siku 16 tu mara baada ya ushindi wa kombe la Ligi ya Mabingwa barani Ulaya huko Lisbon na likizo fupi, nyota wa klabu ya soka ya Bayern Munich wamerudi kwenye majukumu yao ya soka.

Vipimo vya virusi vya Corona na mafunzo ya kimtandao, yalifanyika katika kikosi cha Hansi Flick siku ya Jumanne.

Ijumaa wiki hii, Manuel Neuer na wenzake watafanya mazoezi ya pamoja tena katika viunga vya mitaa ya Saebener baada ya vipimo vya afya vya radiolojia.

“Kuanza msimu mpya mishale ya saa zote zimewekwa katika sifuri,” alisema mwenyekiti wa klabu hiyo Karl-Heinz Rummenigge, akimaanisha ni kama wana aanza mwanzo.

Kocha Flick ana siku kadhaa tu kuwaanda wachezaji wake tayari kwa mechi yake ya kwanza ya ushindani ya msimu ya Bundesliga dhidi ya Schalke ,mnamo Septemba 18.

“Kuna msemo huu mzuri: Mafanikio hayamilikiwi kamwe, yanakodishwa tu na kodi ni ya kila siku,” Flick alisema.

“Sote tunajua kwamba Bundesliga itakuwa na upinzani zaidi. Borussia Dortmund ilipata nguvu, Leipzig pia ni wapinzani wenye nguvu, Bayer Leverkusen na Borussia Moenchengladbach.”

Niklas Suele na mchezaji mgeni wa Bayern Leroy Sane wanarudi kutoka katika majukumu yao katika timu ya taifa Ujerumani.

Suele anataka kurejesha nafasi yake ya kuanza kwenye safu ya ulinzi katika kikosi cha Bayern baada ya kipindi kigumu alichokabiliana nacho kutokana na kuwa majeruhi.

SHINDA NA HI LO

Sasa hii ni rahisi zaidi kupata USHINDI! Unatabiri karata ipi ipo chini au juu, kisha unakusanya mkwanja wako.

Cheza Sasa.