Saul Alvarez (30) Afungua Kesi dhidi ya Promota Wake

Saul Alvarez maarufu kama ‘Canelo’ ameamua kufungua kesi dhidi ya promota wake.

Canelo amefungua kesi dhidi ya Golden Boy Promotions, ambao ni promota wake na mrusha matangazo DAZN baada ya kushindwa kufikia makubaliano juu ya pambano lake lijalo.

Bondia huyu, raia wa Mexico alikuwa nje ya ulingo tangia aliposhinda pambano lake la WBO light-heavyweight dhidi ya Sergey Kovalev Novemba iliyopita.

Canelo amekuwa akihusishwa na mapambano kadhaa ikiwa ni pamoja na mapambano dhidi ya mabondia wa Uingereza Callum Smith na Billy Joe Saunders.

Saul Alvarez, Canelo alitarajiwa angerejea ulingoni siku ya Cinco de Mayo, ambayo hufanyika kila mwaka Mei 5, kama kumbukumbu ya Mexico ya ushindi dhidi ya jeshi la Ufaransa. Kwa bahati mbaya dili hili halikufanikiwa.

Mpaka sasa tarehe ya kurejea ulingoni kwa staa huyu haijafahamika, ndiyo maana ameamua kuingia katika vita ya kisheria na promota wake Oscar De La Hoya na Golden Boy Promotions, pamoja na washirika wao katika kurusha pambano hilo DAZN kwa madai kuwa walivunja mkataba bila kufuata utaratibu.

Kufuatia suala hilo na masuala mengine ya kimkataba, Canelo anataka kulipwa fidia ya takribani dola za kimarekani milioni 280.

SHINDA NA MERIDIANBET!

Tengeneza pesa kidijitali kwa kubashiri mbio za farasi hapa Meridianbet! Chagua nani ashinde, unakusanya mkwanja.

Cheza Sasa.