Ruben Loftus-Cheek alitafakari jinsi kuhamia kwake Milan kulivyotokea na furaha yake kabla ya derby na Inter.
Mwingereza huyo mwenye umri wa miaka 27 alijiunga na Rossoneri kutoka Chelsea mwezi Julai kwa mkataba wa thamani ya takriban €20m, na kuongeza uimarishaji wa kikosi cha Stefano Pioli.
Loftus-Cheek tayari ameanza katika mechi zote tatu za ufunguzi za Milan Serie A na inaonekana atakua sehemu muhimu ya timu. Kikosi cha Pioli kwa sasa kiko kileleni kwenye msimamo na wapinzani wao Inter.
Akiongea na DAZN kupitia TMW, Loftus-Cheek alijadili kwanza jinsi kuhamia kwake Milan kulifanyika msimu huu wa joto.
“Baada ya kucheza dhidi yao kwenye Ligi ya Mabingwa, Milan walionyesha kunipenda. Sikuwa nikifikiria sana kuhusu hilo, msimu wa Chelsea ulikuwa bado mrefu, lakini kuelekea mwisho mambo yalibadilika. Milan daima imekuwa klabu kubwa, na baada ya kuzungumza na Pioli nilikuwa na hakika kuhusu kuhamia hapa.”
Loftus amesema kuwa amecheza majukumu mengi wakati wa kazi yake, miaka miwili iliyopita haswa katika nafasi ya ulinzi na kwake haikuwa jambo la kawaida. Siku zote alipenda kuwa na mpira kati kati ya miguu yake na kuwa na uhuru kuwa na maamuzi.
“Katika misimu miwili iliyopita sikuweza kufanya hivyo, uchezaji huo haukunifurahisha. Sasa badala yake nacheza katika nafasi ambayo nina uhuru zaidi, kwa hiyo najisikia vizuri.”
Mchezaji huyo aliongeza kuwa kocha Pioli anamtaka awe mtawala kimwili katika safu ya kiungo. Anadhani moja ya sifa zake ni uwezo wa kuwashinda wachezaji wengi nguvu na kasi.
Loftus-Cheek alitazamia pambano muhimu katika mchezo wa Derby della Madonnina kati ya Olivier Giroud na Lautaro Martinez.
Ni wachezaji wawili tofauti sana. Binafsi napenda sana kucheza na Olivier kwa sababu ni mzuri sana katika kutunza mpira, napenda sana kuutupa mpira nyuma yake kwa sababu najua nikiucheza mpira nikimrudishia atanirudishia katika nafasi nzuri kabisa point nzuri sana ya kumbukumbu.
Ameongeza kuwa siku zote alikuwa na hisia kwamba Sarri na Conte walitaka kumsaidia kuboresha zaidi iwezekanavyo. Amegundua kuwa makocha wa Italia wako hivyo, bila kujali umri au unatoka wapi, huwa wanataka kukusaidia.
Hatimaye, Loftus-Cheek alijadili hisia zake kabla ya Derby della Madonnina yake ya kwanza.
“Natarajia kucheza ndani yake. Wana nguvu sana, lakini ndivyo sisi pia. Siku zote kuna ufunguo wa kumshinda mpinzani na tuna imani kuwa tuna wachezaji sahihi na wenye mawazo sahihi ya kushinda mchezo huo.”
