José Mourinho anakiri kuwa hajui kama atasalia Roma msimu ujao na anasisitiza ‘Anti-Mourinhism’ inafuatwa na wale wanaofurahi wakati Giallorossi hawashindi.
Kocha huyo wa Ureno alitoa mahojiano marefu na Sky Sport Italia na sehemu ya pili ilionyeshwa Oktoba 10.
Mourinho amebakiza mwaka mmoja katika mkataba wake Stadio Olimpico, unaomalizika Juni 2024.
Alipoulizwa kama atakuwa katika klabu hiyo mnamo 2024-2025, Mourinho alijibu: “Sijui. Kabla ya Fainali Budapest, nilikuwa nimewaahidi wachezaji ningesalia. Baada ya mchezo na Spezia kwenye Uwanja wa Stadio Olimpico, niliwaambia mashabiki nabaki, na sasa niko hapa.”
Mourinho alifika Fainali mbili za Uropa wakati alipokuwa Roma. Alishinda Kombe la Konferensi mnamo 2022 lakini alipoteza Fainali ya Ligi ya Europa dhidi ya Sevilla huko Budapest muhula uliopita.
Bosi wa Giallorossi pia aliulizwa ikiwa ‘Mourinhism’ ipo na inamaanisha nini.
Kuna Anti-Mourinism pia. Hasa pale Roma, unaweza kupata pande zote mbili. Alijibu Anti-Mourinhism inafuatwa na watu wanaofurahi wakati Roma hawashindi na wakati Roma hawana mafanikio ya Uropa. Wanaburudika kwenye redio na hiyo ni sawa. Ninasema hivi kwa sababu ninakutana na watu mitaani, katika sehemu yoyote ya dunia, wanaojihusisha na njia yangu ya kuishi. Kwangu, hata hivyo, mchezo muhimu zaidi daima ni ujao, uliopita ni historia.
Mourinho alikuwa tayari ametia shaka mustakabali wake wa Roma wiki iliyopita aliposema angefundisha Saudi Arabia siku moja.
Il Corriere dello Sport ilikuwa imeripoti kwamba Giallorossi ingemfukuza Mourinho ikiwa angepoteza dhidi ya Cagliari wikendi iliyopita, lakini vyanzo vya klabu vilikanusha ripoti hiyo, huku Roma wakiwashinda vijana wa Claudio Ranieri mabao 4-1 katika mchezo wa mwisho kabla ya mapumziko ya Oktoba.
