Van Persie: Man U Waiheshimu Sevilla

Kunako Michuano ya Europa, mchezo wa Manchester United dhidi ya Sevilla katika hatua ya nusu fainali unatizamwa kipee na Robin Van Persie.

Baada ya kuwagaragaza FC Copenhagen katika hatua ya robo fainali, Man United sasa watamenyana na Sevilla ambao waliwaburuza Wolves katika hatua ya robo fainali. Huu ni mchezo wa aina yake katika kutafuta tiketi ya kucheza fainali ya Ligi ya Europa wiki ijayo.

Akizungumza na Stats Platform News, Van Persie amesema ” Sevilla ni kati ya timu zenye nafasi ya ubingwa lakini wanapaswa kuitafuta kupitia Man United. Ni wapambanaji wa makombe na wamekuwa wakifanya hivyo mara zote.”

“Ilikuwa bado kidogo nifanye nao mazungumzo kabla sijajiunga na Arsenal (2004), ilikuwa ni moja kati ya timu tatu ambazo ningeweza kujiunga nao. Ilikuwa inanishawishi kwenda Sevilla lakini niliamua kuichagua Arsenal.”

Sevilla wamewahi kubeba Kombe la Europa mara 5, mara mbili kipindi kombe hilo [Europa] likijulikana kama UEFA Cup na mara 3 mfululizo kuanzia mwaka 2014-2016. Hii ni moja ya sababu ambayo Van Persie anaiona kama ni angalizo wa Ole Gunnar Solskjaer.

Man United wamemaliza msimu wakiwa katika nafasi ya 3 kwenye msimamo wa EPL msimu huu na kuwapa tiketi ya kushiriki michuano ya UEFA msimu ujao. Wakiwa na rekodi ya kupoteza michezo miwili ya nusu fainali msimu huu, Van Persie amesema;

“miezi kadhaa iliyopita [Man United] wameonesha uwezo chanya lakini wanapaswa kuonesha uwezo huohuo  katika michuano hii.  Siwezi kusema kwamba wasiposhinda basi hawajafanikiwa kitu msimu, La hasha! baada ya mapumziko (ya Corona) wameonesha uwezo mkubwa na jambo jema kuelekea msimu ujao.”

Robin Van Persie alikuwa mchezaji wa Manchester United na alifanikiwa kutwaa ubingwa wa Ligi Kuu Uingereza – EPL mwaka 2012/2013, hiyo ndiyo mara ya mwisho kwa Manchester United kubeba ubingwa wa EPL mpaka sasa.

Umekuwa mteja muaminifu wa meridianbet? Kuna zawadi kibao hadi 5% ya pesa yako inarejeshwa kwako. Kila wiki unaweza kurudishiwa mpaka Tsh 250,000.

soma zaidi