Hazard Atarejesha Matumaini ya Real?

Real Madrid walikamilisha uhamisho wa Eden Hazard kutoka Chelsea kwa ada ya €100M. Moja ya sajili za gharama zaidi klabuni hapo. Walikuwa na matarajio makubwa kutoka kwa nyota huyu aliyekuwa msaada mkubwa kwa Chelsea kwenye EPL.

Hata hivyo, Mbelgiji huyu ni kama alikuwa hana bahati baada ya kuhamia Real Madrid, huku akionekana kuwa ataikosa sehemu kubwa ya kampeni ya msimu huu 2019-20.

Majeraha yamekuwa yakimuandama, na alifanyiwa upasuaji mwezi Februari. Alipata jeraha la enka kwenye mechi ambayo Real walipoteza dhidi ya Levante mwezi February. Kulikuwa na hofu kama ataendelea na kampeni ya msimu huu mapema.

Wengine walijiuliza kama angeweza hata kucheza tena na Real Madrid? ikumbukwe inakuwa ni kama miezi saba tu klabuni hapo. Uvumilivu ni kama ulianza kuwashinda wapenzi wa Real Madrid huku wakianza kumtupia kejeli mara kadhaa wakitaka kuona matokeo ya haraka ya kufika kwake Madrid.

Ukweli ni kwamba, Hazard amejaribu kuwapa Real Madrid kile wanachotarajia. Lakini jitihada zake zikakwamishwa zaidi na majeraha, akilazimika kukosa gemu 21 za Real mpaka sasa. Hizi zinakuwa ni mechi nyingi zaidi kuzikosa kuliko alizokosa akiwa na Chelsaea kwa misimu 8.

Hazard alikuwa anatarajiwa kuziba pengo la Cristiano Ronaldo kwa namna yake. Pengo ambalo mpaka sasa linatajwa kuwa halijapatiwa mwenyewe.

Upasuaji aliofanyiwa hazard ungeweza kumfanya akose sehemu yote ya ligi iliyosalia. Corona ikabadilisha karibu kila kitu duniani, pamoja na soka lililopewa likizo ya lazima ya karibia miezi mitatu.

Sasa soka lipo tayari kurejea, Hazard pia yupo tayari kurejea dimbani -mambo ya corona haya, vinginevyo jamaa angekosa mechi nyingi zaidi.

Kwa sasa, minong’ono inayoendelea ni kuwa je, kurejea kwake kutarejesha matumaini Real Madrid, na akafanya kubwa kuliko walilomtarajia na kuwanyamazisha wakosoaji wake? Wewe unafikiri nini kuhusu hili, weka maoni yako hapa chini, nitafurahia kuyasoma maoni yako.

Tumerudi na Ligi Kubwa Duniani! Bashiri Soka BETI HAPA

Bashiri na Mabingwa wa Ubashiri Tanzania