Winga nyota wa Paris Saint-Germain, Khvicha Kvaratskhelia, amezungumzia tetesi zinazoendelea kumhusisha na uhamisho mkubwa kuelekea Ligi Kuu ya England. Licha ya kuhusishwa na vilabu vikubwa kama Manchester United na Arsenal FC, mchezaji huyo wa kimataifa wa Georgia amesisitiza kuwa bado ana furaha kubwa kuendelea kucheza katika jiji la Paris.
Kvaratskhelia mwenye umri wa miaka 25 alijiunga na PSG mapema mwaka 2025 akitokea SSC Napoli na tangu wakati huo amekuwa sehemu muhimu ya mfumo wa kocha Luis Enrique. Nyota huyo maarufu kwa jina la utani “Kvaradona” ameibuka kuwa mmoja wa wachezaji muhimu katika kikosi kipya cha PSG kinacholenga kujenga timu yenye mshikamano badala ya kutegemea majina makubwa pekee.
Akizungumza kabla ya mchezo muhimu wa hatua ya mtoano ya UEFA Champions League dhidi ya Chelsea FC, Kvaratskhelia alieleza mapenzi yake kwa jiji la Paris na maisha yake ndani ya klabu hiyo. Alisema kuwa yeye na familia yake wamepata mahali pazuri pa kuishi na kucheza soka, akieleza kuwa Paris ni “mji wa mapenzi” na kila kitu kinachohitajika kipo hapo.
Bila kusahau meridianbet ndio wakali wa ODDS KUBWA, Machaguo zaidi ya 1000 na kila kitu ukitakacho. Bashiri kijanja hapa
Mchezaji huyo pia alikiri kuwa kujiunga na PSG ilikuwa ndoto ya muda mrefu kwake na kwa familia yake, ingawa hapo awali aliona kama jambo gumu kutokana na uwepo wa nyota wakubwa waliowahi kucheza klabuni hapo kama Lionel Messi, Neymar na Kylian Mbappe.
Kwa sasa Kvaratskhelia ameunda ushirikiano hatari katika safu ya ushambuliaji pamoja na Bradley Barcola, huku wawili hao wakichangia jumla ya mabao 19 msimu huu. PSG wanaongoza msimamo wa Ligue 1 na wanajiandaa kwa pambano la Ulaya wakilenga kuongeza mafanikio yao, jambo linaloonyesha wazi kuwa Kvaratskhelia anaendelea kuwa sehemu muhimu ya mipango ya muda mrefu ya klabu hiyo.
