Rodrygo Agoma Kufananishwa na Neymar.

Kinda wa Brazil, Rodrygo amesema hataki kuwa “Neymar mpya” wakati akifafanua kulinganishwa kwake na nyota huyo wa Selecao.

Rodrygo ni mmoja wa wachezaji wachanga wenye vipaji katika mpira wa miguu akiwa na mabingwa wa La Liga, Real Madrid, akipata kutambuliwa kama mshindi wa Tuzo ya Goal NxGn 2020.

Winga huyo wa miaka 19 alihamia kwa Euro milioni 45 kutoka Santos kwenda Madrid mnamo 2019 na amekuwa akilinganishwa na mshambuliaji wa Paris Saint-Germain, Neymar na nyota wa Zamani wa Man City, Robinho, ambao wote walitokea katika klabu hiyo ya Brazil.

Amelinganishwa na Neymar tangu umri wa miaka 12, wakati aliposaini makubaliano na Nike kuwa mwanamichezo mdogo zaidi aliyewahi kudhaminiwa na kampuni hiyo.

Lakini Rodrygo hafurahii kulinganisha kwani yeye badala yake anatarajia kuunda njia yake mwenyewe, tofauti na hao wachezaji wengine.

“Tangu mwanzo wa taaluma yangu wakati naanza Santos, tayari walinilinganisha kama “Neymar mpya” na Robinho. Siku zote nilisema kwamba ninataka kuwa Rodrygo na kutengeneza historia yangu”.

“Robinho na Neymar ni wa kuigwa kiasi kikubwa kwa Santos na kwa maeneo yote ambayo walicheza, nadhani kuna Neymar mmoja tu”. alisema mchezaji huyo.

Unapenda kuwa shujaa?

Naam, hapa ni mahali pako! Kuwa shujaa kwenye sloti hii ya Samurai Ken ujishindie mkwanja na kujipa burudani murua. 

Cheza sasa